პარლამენტის შენობასთან მიმდინარე აქციის ერთ-ერთ ორგანიზატორს, ზვიად კუპრავას და მასთან ერთად დაკავებულ სამ პირს 14-დღიანი პატიმრობა შეეფარდათ.

ისინი თბილისის საქალაქო სასამართლოდან დიღმის პოლიციის სამმართველოში გადაიყვანეს.

თავად კუპრავა და სხვა დაკავებული პირები სასამართლო პროცესს არ ესწრებოდენენ, რადგან ის პროტესტის ნიშნად დატოვეს.

როგორც სხდომის შემდეგ ხორავას ქუჩაზე მოკლული დავით სარალიძის მამამ, ზაზა სარალიძემ განაცხადა, კუპრავას და მისი მეგობრების დაკავება წინასწარ იყო დაგეგმილი.

„ეს წინასწარ იყო გაწერილი. მიზანი არის კუპრავასა და ჩემი მეგობრების დისკრედიტაცია, რომლებიც აღარ უნდა დასწრებოდნენ აქციებს“, - განაცხადა ზაზა სარალიძემ.

შეგახსენებთ, ზვიად კუპრავა და აქციის სამი მონაწილე სამართალდამცველებმა დღეს, გამთენიისას დააკავეს. მათ ბრალად წვრილმანი ხულიგნობა და პოლიციისადმი დაუმორჩილებლობა ედებათ.

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა