„როდესაც კანონში არის გაწერილი ის, რომ ფართო საზოგადოებასთან, ექსპერტულ წრეებთან, არასამთავრობო სექტორთან და ა.შ. კონსულტაციების საფუძველზე შეირჩევა პროკურორის კანდიდატურა, ჩვენი მხრიდან ჩარევა იქნება პრინციპულად არასწორი-ეს იქნება კანონის სულისკვეთების წინააღმდეგ გადადგმული ნაბიჯი",- ამის შესახებ პარლამენტის თავმჯდომარემ მთავარი პროკურორის კანდიდატურასთან დაკავშირებით, ჟურნალისტებს განუცხადა.

მისი თქმით, იუსტიციის მინისტრს მინიმუმ სამი კანდიდატის შესარჩევად ერთთვიანი ვადა აქვს.

„ერთთვიანი ვადა აქვს იუსტიციის მინისტრს კანონით გათვალისწინებული იმისთვის, რომ შეირჩეს მინიმუმ სამი კანდიდატი და ეს კანდიდატები შეირჩევიან ფართო კონსულტაციების საფუძველზე და ეს კანონით არის გათვალისწინებული და ასევე, იგივე დააანონსა პრემიერ-მინისტრმა, რომ ფართო კონსულტაციები შედგება ამასთან დაკავშირებით, შეირჩევა სულ მცირე, სამი კანდიდატი, ამის შემდეგ გაგრძელდება პროცესი საპროკურორო საბჭოში, შემდეგ მთავრობა დაამტკიცებს კანდიდატურას და ამის შემდეგ უკვე ჩაერთვება პროცესში პარლამენტი. ამ ეტაპზე, როდესაც კანონში არის გაწერილი ის, რომ ფართო საზოგადოებასთან, ექსპერტულ წრეებთან, არასამთავრობო სექტორთან და ასე შემდეგ, კონსულტაციების საფუძველზე შეირჩევა პროკურორის კანდიდატურა, ჩვენი მხრიდან ჩარევა იქნება პრინციპულად არასწორი-ეს იქნება კანონის სულისკვეთების წინააღმდეგ გადადგმული ნაბიჯი",- აღნიშნა ირაკლი კობახიძემ.

„ჯერ დაველოდოთ პროცესს, რომელიც წარიმართება ამ ერთი თვის განმავლობაში, როდესაც იქნება წარმოდგენილი კონკრეტული კანდიდატურები, ამის შემდეგ შეგვეძლება ჩვენ ჩვენი პოზიციის დაფიქსირება ამ კანდიდატებთან დაკავშირებით. მანამდე არასწორი იქნება ჩვენი მხრიდან რაიმე პოზიციის დაფიქსირება",- განაცხადა პარლამენტის თავმჯდომარემ.

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა