ხორავას ქუჩაზე მოკლული ერთ–ერთი არასრულწლოვნის მამის, ზაზა სარალიძის ადვოკატი ნესტან ლონდარიძე სასამართლოს გადაწყვეტილით უკმაყოფილოა.

მისი თქმით ბრძოლა ჯერ კიდევ წინ არის, რადგან დავით სარალიძის შემთხვევაში, 11 ჭრილობის ავტორი უცნობია.

„რა თქმა უნდა დღეს დადგა განაჩენი, მაგრამ ეს არ არის ის რასაც დაზარალებული მხარეები ითხოვდნენ. ჯერ კიდევ წინ გვაქვს ბრძოლა, ვითხოვთ დაისაჯოს ყველა ის პირი და გაიზიაროს ის ბედი რაც დანარჩენმა დამნაშავეებმა. ჩვენ ამ ეტაპზე სასჯელის ადექვატურობაზე არ ვმსჯელობთ, გამომდინარე იქიდან, რომ დავით სარალიძის შემთვევაში, გვაქვს ასეთი მდგომარეობა, როდესაც 11 ჭრილობის ავტორი უცნობია, რომელმაც სასდიკვდილო შედეგი გამოიღო. ანუ მდგომარეობა გაურკვეველია, ადამიანს აქვს 11 ჭრილობა და უმრავლესობის ავტორი უცნობია. აქედან გამომდინარე ჩვენ ამაზე სრულყოფილად ვერ ვიმსჯელებთ, ჩვენი ძირითადი ყურადღება, მიპყრობილია იქითკენ, რომ პროკურატურამ ყველაფერ ამაზე მოახდიონოს რეაგირება და დასაჯოს ყველა დამნაშავე პირი“, – განაცხადა ლონდარიძემ.

ცნობისთვის, სასამართლომ გ.ბ.-ს დადუნაშვილის მკვლელობისთვის 10.6 წელი მიესაჯა, ხოლო გ.ჯ.-ს დავით სარალიძის მკვლელობის მცდელობისთვის 9.9 წელი.

ავტორი: ,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები