საქართველოს სახალხო დამცველმა ნინო ლომჯარიამ ადამიანის უფლებათა ევროპულ სასამართლოს საქმეზე „შპს სამაუწყებლო კომპანია რუსთავი 2 და სხვები საქართველოს“ წინააღმდეგ სასამართლო მეგობრის მოსაზრებით მიმართა.

ომბუდსმენის აპარატის ინფორმაციით, ნინო ლომჯარიას თხოვნა საქმეში მესამე მხარედ ჩართვის თაობაზე სასამართლომ 2018 წლის 4 აპრილს დააკმაყოფილა. 

სასამართლო სექციის პრეზიდენტის მითითების შესაბამისად, სახალხო დამცველის მიერ წარდგენილი მოსაზრებები არ ეხება საქმის ფაქტობრივ გარემოებებს და დავის არსებით მხარეს. მოსაზრებებში სახალხო დამცველი შემოიფარგლა საკუთარი მანდატით და ყურადღება გაამახვილა საქმის მნიშვნელობის, ასევე ქვეყანაში გამოხატვის თავისუფლებისა და სამართლიანი სასამართლოს კუთხით არსებულ მდგომარეობასა და გამოწვევებზე. 

სასამართლოს რეგლამენტით დადგენილი პროცედურის შესაბამისად, მხარეებს, განმცხადებლებსა და მთავრობას შესაძლებლობა ექნებათ სასამართლო მეგობრის მოსაზრებაში წარდგენილ საკითხებზე საკუთარი პოზიცია დააფიქსიროს. 

აღსანიშნავია, რომ საქართველოს სახალხო დამცველმა სასამართლო მეგობრის მოსაზრებით სტრასბურგის სასამართლოს მეორედ მიმართა. 

ავტორი: ,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის