საქართველო სავაჭრო სფეროში წამყვან რეფორმატორ ქვეყნებს შორისაა რეგიონში, - ასე მოიხსენია საქართველო გაეროს ევროპის ეკონომიკურმა კომისიამ UNECE (United Nations Economic Commission for Europe)  ტვიტერის საკუთარ გვერდზე.

გარდა ამისა, ასეთივე სათაურით გამოაქვეყნა UNECE-მ პრესრელიზი ორგანიზაციის ინტერნეტ-გვერდზე.  აქვეა მოყვანილი საქართველოს ეკონომიკისა და მდგრადი განვითარების მინისტრის მოადგილის გენადი არველაძის განცხადება იმისა შესახებ, რომ საქართველო მზადაა, რეფორმების გატარების საკუთარი გამოცდილება გაუზიაროს იმ ქვეყნებს, რომლებიც ამჟამად რეფორმებს ახორციელებენ. 

აღნიშნული ტვიტი გამოქვეყნდა საქართველოს სავაჭრო სექტორში მარეგულირებელ და პროცედურულ ბარიერებთან დაკავშირებული კვლევის შედეგების პრეზენტაციის შემდეგ, რომელიც შვეიცარიის ქალაქ ჟენევაში გაიმართა. კვლევის თანახმად, საქართველო სავაჭრო სფეროში განხორციელებული ლიბერალური რეფორმების გათვალისწინებით რეგიონში ლიდერ პოზიციაზეა, როგორც რეფორმატორი ქვეყანა. 

საქართველოს დელეგაციას ხელმძღვანელობს ეკონომიკისა და მდგრადი განვითარების მინისტრის მოადგილე გენადი არველაძე. 

კვლევის პრეზენტაციას დაესწრნენ ევროკავშირის ქვეყნების, თურქეთის, ალბანეთის, ბელარუსის, მოლდოვას, სომხეთის, ყაზახეთის, ყირგიზეთისა და უზბეკეთის წარმომადგენლები. 
კვლევა საჯაროდ 2018 წლის ივნისში გამოქვეყნდება.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს