„არ მგონია, რომ კომიტეტის მხრიდან რაიმე თარიღის აღნიშვნა ან არ აღნიშვნა იყოს პოლიტიკური, ან რაიმე განსაკუთრებული შეფასებების საგანი”, - ასე უპასუხა საპარლამენტო უმრავლესობის წევრმა გედევან ფოფხაძემ ჟურნალისტებს დღეს პარლამენტთან, ლგბტ ორგანიზაცია ”თანასწორობის მოძრაობის” მიერ გამართული საპროტესტო აქციის შეფასებისას.

”ყველას თავისი მოსაზრება აქვს და მე არამგონია, რომ ამ შემთხვევაში კომიტეტის მხრიდან რაიმე თარიღის აღნიშვნა ან არ აღნიშვნა იყოს პოლიტიკური შეფასებების, ან საერთოდ რაიმე განსაკუთრებული შეფასებების საგანი. ჩვენ ამ საკითხთან დაკავშირებით ვერავინ დაგვაბრალებს შეურიგებლობის პოზიციას. რაიმე თარიღის აღნიშვნა-არაღნიშვნა კომიტეტის პრეროგატივა არ არის. შესაბამისად ვისაც როგორ უნდა ისე აღნიშნავს 17 მაისს”, - აცხადებს გედევან ფოფხაძე.

ცნობისთვის, „თანასწორობის მოძრაობის“ მხარდამჭერები პარლამენტის შენობასთან ადამიანის უფლებათა დაცვის კომიტეტის თავმჯდომარის, სოფიო კილაძის განცხადებას აპროტესტებდნენ. როგორც მათ აღნიშნეს, კილაძის განცხადებიდან ჩანს, რომ კომიტეტი ჰომოფობიასთან და ტრანსფობიასთან ბრძოლის აღნიშვნას აღარ აპირებს იმის მიუხედავად, რომ 17 მაისის ყოველწლიურად აღნიშვნა 2017 – 2020 წლების სამოქმედო გეგმაში იყო გათვალისწინებული. აქციის მონაწილეებმა განაცხადეს, რომ სოფო კილაძე სისტემატიურად უგულებელყოფს ადამიანის უფლებებს და მისი გადადგომა მოითხოვეს.

ავტორი: ,

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ