„საბანკო-ოლიგარქიულმა რეჟიმმა გახსნა თავისი უკანასკნელი სამაშველო რგოლი. მთავარი მტაცებელი გამოდის სააშკარაოზე“, - ასე გამოეხმაურა „ლეიბორისტური პარტიის“ თავჯდომარე შალვა ნათელაშვილი, ყოფილი პრემიერის, ბიძინა ივანიშვილის პოლიტიკაში დაბრუნების გადაწყვეტილებას.

როგორც ნათელაშვილმა „ლეიბორისტული პარტიის“ ოფისში გამართულ ბრიფინგზე განაცხადა,  ივანიშვილის გამოჩენა, მისი რეჟიმის დასასრულს ნიშნავს.

„საბანკო-ოლიგარქიულმა რეჟიმმა გახსნა თავისი უკანასკნელი სამაშველო რგოლი. მთავარი მტაცებელი გამოდის სააშკარაოზე. მე ვიწვევ ბიძინა ივანიშვილს პირდაპირ ტელედებატებში, რათა მან გასცეს პასუხი კითხვებზე: რატომ გადააქცია საქართველო თავის ბიზნესკორპორაციად, რატომ დაუმთავრა ხალხს ყველანაირი ოცნება, რატომ იშოვა მილიარდები ჩვენი მოსახლეობის უბედურების ხარჯზე და თავისი შვილების საბედნიეროდ  და კიდევ  რა ვერაგული გეგმები აქვს ჩაფიქრებული. ამ საკითხებზე მე მას ვიწვევ პირდაპირ დებატებში. „არ არს დაფარული რაც არ გაცხადდების“- ძალიან კარგია, რომ აფთარი ბუჩქებიდან გამოძვრა. ახლა უკვე ჩვენი ხალხის ვაჟკაცობაზეა დამოკიდებული, რამდენად დროულად იქნება ის გადაცემული ეროვნულ, პოლიტიკურ და სამართლებრივ მართლმსაჯულებას. ბიძინა ივანიშვილის გამოსვლა ნიშნავს, რომ რეჟიმს გადარჩენის შანსი აღარ დარჩა. ჩვენ ის ბუნაგიდან გამოვაგდეთ. ახლა წინ გვაქვს ბრძოლის ახალი ეტაპი, რომელიც გამარჯვებით უნდა დავამთავროთ“,- განაცხადა შალვა ნათელაშვილმა.

ცნობისთვის, საქართველოს ყოფილი პრემიერ-მინისტრი ბიძინა ივანიშვილი პოლიტიკაში ბრუნდება.  როგორც მოქმედმა პრემიერმა, გიორგი კვირიკაშვილმა დღეს გამართულ ბრიფინგზე განაცხადა, ივანიშვილი „ქართული ოცნების“ თავმჯდომარის პოსტს დაიკავებს.

ავტორი: ,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა