ეკონომიკისა და მდგრადი განვითარების სამინისტროს სსიპ „ნავთობისა და გაზის სახელმწიფო სააგენტოში" ამერიკულ კომპანია „ექსონ-მობილთან" გაიმართა შეხვედრა. უმსხვილესმა ამერიკულმა ნავთობკომპანიამ საქართველოს ნახშირწყალბადების განვითარების პერსპექტივით დაინტერესება გამოთქვა.

ქართულმა მხარემ, მასალის გაცნობის მიზნით, საქართველოში ჩამოსულ სტუმრებს გააცნო თავიანთი მოსაზრებები და შეხედულებები ნავთობისა და გაზის ძებნა-ძიების პერსპექტივებზე საქართველოში არსებულ სალიცენზიო ფართობებზე.

კომპანიის ტექნიკური ჯგუფი საქართველოში რამდენიმე დღით დარჩება. ამ დღეების განმავლობაში „ექსონ-მობილის" წარმომადგენლები ქართველ სპეციალისტებთან ერთად უკეთ გაეცნობიან არსებულ გეოლოგიურ და გეოფიზიკურ მონაცემებს და ერთობლივად დასახავენ სამომავლო პერსპექტივებს.

კომპანია „ექსონ-მობილი" 1999 წლის ბოლოს დაარსდა აშშ-ში, ტეხასის შტატში. მისი სათავო ოფისი ქალაქ ირვინშია. „ექსონ-მობილი" ორი დიდი კომპანიის გაერთიანების საფუძველზე შეიქმნა. ეს გახლავთ 1973 წელს დაარსებული ამერიკული „ექსონი" და 1911 წელს დაარსებული ამერიკული „მობილი". კომპანია ნავთობისა და გაზის მოპოვებასა და მიწოდებას ახორციელებს.

2016 წელს „ექსონ-მობილს" მსოფლიოს ტოპ-10 მაღალშემოსავლიან კომპანიებს შორის მე-6 ადგილი ეკავა და მისი კაპიტალი 246 მილიარდ დოლარს შეადგენდა. დასაქმებული ჰყავს 80 ათასამდე ადამიანი.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს