რუსეთის პრეზიდენტმა ვლადიმერ პუტინმა სირიაზე განხორციელებული სარაკეტო დარტყმა "აგრესიად" შეაფასა, - ამის შესახებ The Guardian იუწყება.

როგორც პუტინმა აღნიშნა, რუსეთი მომხდართან დაკავშირებით გაერო-ს უშიშროების საბჭოს საგანგებო სხდომას მოიწვევს.

მისივე თქმით, სხდომაზე "ამერიკის შეერთებული შტატების და მისი მოკავშირეების აგრესიული ქმედებები უნდა განიხილონ".

პუტინის განცხადებით, რუსეთი სირიაზე განხორციელებულ თავდასხმას გმობს. ამასთან, კრემლის ლიდერმა დასძინა, რომ "სირიის ტერიტორიაზე რუსეთი ლეგიტიმურ მთავრობას ტერორიზმთან ბრძოლაში ეხმარება".

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს.

აღსანიშნავია, რომ სირიაზე სარაკეტო დარტყმას მსოფლიო ლიდერები უკვე გამოეხმაურნენ. საერთაშორისო კოალიციის ქმედებებს მხარი ევროკავშირმა, ჩრდილოატლანტიკურმა ალიანსმა და ევროპის სხვადასხვა ქვეყნებმა დაუჭირეს. 

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”