საქართველოს ბანკის გენერალური დირექტორი კახა კიკნაველიძე მედიაში გავრცელებულ ფინანსთა მინისტრის იმ განცხადებას გამოეხმაურა, რომლის თანახმადაც, „საბანკო სისტემა არ უწყობს ხელს  ქვეყანაში ეკონომიკის განვითარებას და ის მუხრუჭის როლს ასრულებს“.

კიკნაველიძის შეფასებით, მამუკა ბახტაძის ეს განცხადება სასტარტო კაპიტალის პროგრამას უკავშირდებოდა. იგი  ეთანხმება ფინანსთა მინისტრს, რომ  სტარტაპების სასესხო კრედიტით დაფინანსება მართლაც პრობლემურია, თუმცა ამავდროულად ამბობს, რომ საქართველოს ბანკი  ძალიან აქტიურად უწყობს ხელს მცირე და საშუალო ბიზნესის დაფინანსებას.

კიკნაველიძის განმარტებით, საქართველოს ბანკი ქვეყნის ეკონომიკის განვითარებაში ძალიან მნიშვნელოვან როლს თამაშობს:

„ვფიქრობ, ფინანსთა მინისტრმა ეს განცხადება გააკეთა სასტარტო კაპიტალის პროგრამასთან დაკავშირებით. ბანკებისთვის  სტარტაპების დაფინანსება, რისკებიდან გამომდინარე,  მართლაც პრობლემურია.მიუხედავად ამისა, ჩვენ არა მარტო სტარტაპების, მცირე და საშუალო ბიზნესის მიმართულებით საკმაოდ ბევრი ინიციატივა განვახორციელეთ წელს და ვფიქრობ, საქართველოს ბანკი ძალიან მნიშვნელოვან როლს თამაშობს  ქვეყნის ეკონომიკის  განვითარებაში, მათ შორის მცირე და საშუალო ბიზნესის განვითარებაში.დღეს ეს პორთველი სადღაც 580 მილიონ ლარს შეადგენს.

სტარტაპ ბიზნესის დაფინასნება სირთულეებთანაა დაკავშირებული და ეს სირთულეები არა მარტო საქართველოში, დასავლეთშიც, განვითარებულ ქვეყნებშიცაა. ანუ, სტარტაპის დაფინანსება სასესხო კრედიტით ძალიან იშვიათად ხდება ხოლმე დასავლეთშიც კი. მიუხედავად ამისა, საქართველოში ბანკები ძალიან აქტიურად ცდილობენ, ამ სეგმენტშიც მიიღონ მონაწილეონა.ჩვენ  აქტიურად ვუწყობთ ხელს მცირე და საშუალო ბიზნესის დაფინანსებას, ვთანამშრომლობთ სახელმწიფოსთან და მთავრობის ინიციატივებთან.ეს ინიციატივაც,  რომელიც სასტარტო კაპიტალის დაფინანსებას შეეხება, ხელს შეუწყობს სტარტაპების  განვითარებას“,-აღნიშნა კახა კიკნაველიძემ.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე