ქვეყანაში ძალიან ძნელია ისეთი  სოციალური ჯგუფის მოძებნა ვინც მეტ-ნაკლებად კმაყოფილია საბანკო სექტორთან თანამშრომლობით, - განაცხადა პირველი არხის ეკონომიკურმა ანალიტიკოსმა, მერაბ ჯანიაშვილმა გადაცემაში  „აქტუალური თემა მაკა ცინცაძესთან ერთად." 

მისი თქმით, თუ შევხედავთ გლობალური კონკურენტუნარიანობის ინდექსს, ქვეყანაში ბიზნესის განვითრების პრობლემად ფინანსურ რესურსზე ხელმიუწვდომლობა სახელდება.

 „ერთი მხრივ, ჩვენ გვაქვს ძალიან მომგებიანი საბანკო სექტორი და მეორე მხრივ, გვაქვს ფინანსებზე ხელმისაწვდომობის პრობლემა. ეს პარადოქსია, როდესაც ყველაზე წარმატებულ სექტორად ითვლება ის სექტორი, რომელმაც უნდა დააფინანსოს ეკონომიკა. რეალურად კი საბანკო სფეროს შემოსავლების მხოლოდ 20% მოდის ბიზნესზე. დანარჩენები არის სამომხმარებლო სესხები, იპოთეკური სესხები ანუ ბანკი, როდესაც გასცემს განვადებას, მაგალითად, ტექნიკის შესაძენად, რომელიც სხვა ქვეყანაშია ნაწარმოები, რეალურად ის აკრედიტებს სხვა ქვეყნის ეკონომიკას. ჩვენ საბანკო სექტორისგან სარგებელი რომ მივიღოთ, მათ უნდა დააკრედიტონ საქართველოს ეკონომიკა. დღეს, საბანკო სექტორში იმდენად მანკიერი სიტუაციაა შექმნილი, რომ ბანკებს ხშირად ბიზნესის დაკრედიტებას ურჩევინათ საკუთარი ბიზნესი გახსნან იმიტომ, რომ აქვთ ამის საშუალება. მაგალითად, რატომ უნდა დააკრედიტოს ბანკმა სამშენებლო სფერო, როდესაც საკუთარი კომპანია აქვს?  ამიტომ, როდესაც ვსაუბრობთ საბანკო სექტორის წარმატებულობაზე, უნდა შევაფასოთ მომსახურების ხარისხი, რამდენად კმაყოფილები არიან კლიენტები ბანკის მომსახურებით. კლიენტები უკმაყოფილოები არიან საბანკო სექტორის მომსახურებით, მაგრამ საბანკო სექტორი გადის მაღალ მოგებაზე  იმიტომ, რომ ბანკი გასცემს მოკლევადიან სესხებს, რომელიც არის მაღალპროცენტიანი და არის უფრო შემოსავლიანი. უნდა ითქვას, რომ სახელმწიფო ბოლო წლებში ხელს უწყობს საბანკო სექტორს, რათა მიაწოდოს იაფი, გრძელვადიანი ფულადი რესურსი. ამისთვის ეროვნულმა ბანკმაც გაზარდა დაკრედიტება, ფინანსთა სამინისტრომაც გადაიტანა დეპოზიტები საბანკო სექტორებში, მაგრამ ისინი ამ თანხას იღებენ და ან სასესხო ობლიგაციებს ყიდულობენ, ბიუჯეტს ასესხებენ თანხას ან მოსახლეობას აკრედიტებენ, რაც ჩვენ ეკონომიკას სარგებელს არ აძლევს,“ - აღნიშნა მერაბ ჯანიაშვილმა.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე