არაბთა გაერთიანებული საემიროებში სამუშაო ვიზიტის ფარგლებში, პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა თანამშრომლობის შესაძლებლობები განიხილა საემიროების ერთ-ერთ უმსხვილეს უძრავი ქონების ჯგუფთან „EMAAR Properties".

აღნიშნული გაერთიანება წარმოადგენს 6 სეგმენტში მომუშავე 60 კომპანიას, რომლებიც მსოფლიოს სხვადასხვა რეგიონებში საქმიანობენ. ამ ჯგუფის პროექტია ყველაზე მაღალი შენობა „ბურჯ ხალიფა," რომელიც ქალაქ დუბაიში მდებარეობს.

შეხვედრაზე პირველმა ვიცე-პრემიერმა დიმიტრი ქუმსიშვილმა „EMAAR Properties"-ის წარმომადგენლებს გააცნო საქართველოს ეკონომიკური ტენდენციები, მაკროეკონომიკური მაჩვენებლები, აგრეთვე ისაუბრა იმ რეფორმების შესახებ, რომელთაც საქართველოს მთავრობა ახორციელებს.

განსაკუთრებული ყურადღება გამახვილდა ტურიზმის სექტორსა და სასტუმრო ინდუსტრიის მიმზიდველობაზე უცხოური ინვესტიციების მოზიდვის კუთხით. აღინიშნა, რომ ტურიზმი საქართველოს ეკონომიკის ერთ-ერთი ყველაზე მზარდი სექტორია - 2017 წელს საქართველომ  23 პროცენტით მეტ საერთაშორისო ვიზიტორს უმასპინძლა, ხოლო შემოსავალმა 2,8 მლრდ აშშ დოლარამდე შეადგინა.

არაბული კომპანიის მხრიდან დიდი ინტერესი გამოიწვია საქართველოს საკურორტო ზონებში უძრავი ქონების პროექტებმა და მათი შემდგომი განვითარების შესაძლებლობებმა, ასევე მთავრობის მხრიდან რეგიონებში სასტუმრო ინდუსტრიის ხელშეწყობის მექანიზმებმა. აღინიშნა, რომ თანამშრომლობა საქართველოსა და საემიროების ერთ-ერთ უმსხვილეს უძრავი ქონების კომპანიასთან სამომავლოდ გაგრძელდება.

შეხვედრის შემდეგ, პირველმა ვიცე-პრემიერმა დიმიტრი ქუმსიშვილმა „EMAAR Properties"-ის სტენდი დაათვალიერა.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე