საქართველოს სახალხო დამცველი უჩა ნანუაშვილი პარლამენტში ანგარიშით დღეს წარდგება.

როგორც ნანაუაშვილმა ჟურნალისტებს განუცხადა, მის მიერ წარმოდგენილ ანგარიშში შენიშვნები პენიტენციალურ სისტემას და ასევე სამართალდამცავი უწყებების საქმიანობას ეხება.

„იმედი მაქვს, დღეს იქნება საკმაოდ კონსტრუქციული დიალოგი. იმ პრობლემებთან დაკავშირებით, რომელიც ჩვენს ანგარიშში იკვეთება. ეს პირველ რიგში ეხება სამართალდაცველთა საქმიანობას, პენიტანციალურ სისტემაში არსებულ მდგომარეობას. შენიშვნები გვაქვს გამოძიების ეფექტურობასთან დაკავშირებით, ეხება ეს როგორც ძველი საქმეების გამოძიებას, არაერთი საქმე ბოლომდე გამოძიებული არ არის, ასევე გასული წლის განმავლობაში მომხდარ სავარაუდო დანაშაულებთან დაკავშირებით გამოძიებაზე“, - აღნიშნა ნანუაშვილმა.

სახალხო დამცველს დამოუკიდებელი საგამოძიებო ორგანოს შექმნასთან დაკავშირებით, რეკომენდაცია მიმდინარე წელსაც ექნება.

„ეს არის ერთერთი მთავარი რეკომენდაცია, როგორც გასულ, ასევე მიმდინარე წელსაც. ვიმეორებთ იმ რეკომენდაციებს, რომელიც წინა წლის განმავლობაში არ შესრულდა“, - აღნიშნა ნანუაშვილმა.

მისივე თქმით, ანგარიშის მოსმენა პარლამენტში ხვალაც გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს