„სითი პარკი“: კომპანია იტოვებს ვალდებულებას, სამართლებრივი დავა გააგრძელოს

2018-03-13 13:36:42, 1645 ნახვა

კომენტარი

კომპანია "სითი პარკის" განცხადებით, მერიასთან კონტრაქტის შეწყვეტის შესახებ ინფორმაცია არ ჰქონდათ.

როგორც "სითი პარკის"" საზოგადოებასთან ურთიერთობის სამსახურის წარმომადგენელმა ლევან ტაბიძემ განაცხადა, კომპანიამ ხელშეკრულების შეწყვეტის შესახებ მედიით შეიტყი.

"კონტრაქტის შეწყვეტის შესახებ კომპანიას ინფორმაცია არ ჰქონია. უცნობია ჩვენთვის თუ რის საფუძველზე მოხდა კონტრაქტის შეწყვეტა. კოპანიისთვის ეს ცნობილი გახდა სატელევიზიო გამოსვლის შემდეგ. ძალიან სამწუხაროა, რომ ამ მეთოდით მოხდა კომპანიასთან ხელშეკრულების გაუქმება. შესაბამისად კომპანია იტოვებს ვალდებულებას, რომ გააგრძელოს სამართებრივი დავა აღნიშნულ საკითხთან დაკავშირებით", - განაცხადა ტაბიძემ "რუსთავი 2"-ის ეთერში.

ცნობისთვის, თბილისის მერია მიმდინარე წლის 10 აპრილიდან კომპანია „სითი პარკთან“ გაფორმებულ ხელშეკრულებას წყვეტს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები