საპარლამენტო უმრავლესობა არჩილ ტატუნაშვილის გარდაცვალების საკითხზე რეზოლუციის მიღებას გეგმავს

2018-02-26 13:30:42, 2155 ნახვა

პოლიტიკა

საპარლამენტო უმრავლესობა ოკუპირებულ ცხინვალში არჩილ ტატუნაშვილის გარდაცვალებასთან დაკავშირებით სპეციალური რეზოლუციის ინიცირებას გეგმავს.

უმრავლესობის ლიდერის არჩილ თალაკვაძის განმარტებით, აღნიშნული რეზოლუციის მეშვეობით საერთაშორისო გამოძიებას მოითხოვენ.

დეპუტატის თქმით, ოკუპირებულ ტერიტორიებზე ადამიანის უფლებათა დარღვევის რისკები მაღალია და დროა საერთაშორისო საზოგადოებამ ოკუპირებულ ტერიტორიებზე მეტი მონიტორინგი გაწიოს.

„მოვითხოვთ რუსეთის ფედერაციისგან, რომ ოკუპირებულ ტერიტორიებზე დაუშვას საერთაშორისო დამკვირვებლები და ის მისიები, რომლებიც ამგვარი ფაქტების პრევენციაზე მუშაობენ. ტატუნაშვილის გარდაცვალებაზე პასუხისმგებლობა ეკისრება რუსეთის საოკუპაციო რეჟიმს, რომელსაც საერთაშორისო სამართლით აქვს პასუხისმგებლობა ოკუპირებულ ტერიტორიებზე მომხდარ დანაშაულთან და ადამიანის უფლებების დაღვევებთან დაკავშირებით", - განაცხადა თალაკვაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები