ისრაელის პრემიერ-მინისტრი ბენიამინ ნეთანიაჰუ ირანს დაემუქრა.

მიუნხენის კონფერნეციაზე სიტყვით გამოსვლისას, ბენიამინ ნეთანიაჰუმ განაცხადა, რომ „ირანი მთელი სამყაროსთვის საფრთხეს წარმოადგენს“.

მისივე თქმით, ისრაელის ხელისუფლება არ დაუშვებს, რომ ირანმა სირიის ტერიტორიებზე პოზიციების გამაგრება შეძლოს.

„სირიაში ირანის განზრახვა სრულიად აშკარაა. ირანს თეირანისა და ტარტუსის გაერთიანება და ერთი სახელმწიფოს შექმნა სურს. ისრაელი ირანს შეაკავებს მის მცდელობებში, სამხედრო მოქმედებები განაგრძოს სირიაში. ჩვენი სპეცსამსახურების ინფორმაციით, ირანი სირიაში ბაზების შექმნისკენ მიისწრაფვის. თუ საჭირო გახდება, ჩვენ არა მხოლოდ ირანის მარიონეტების, არამედ თვით ირანის წინააღმდეგაც ვიმოქმედებთ“, - განაცხადა ბენიამინ ნეთანიაჰუმ. 

საუბრისას ბენიამინ ნეთანიაჰუმ პარალელი 1938 წლის მიუნხენის შეთანმებასა და 2015 წელს ირანთან გაფორმებულ ე.წ. ბირთვულ ხელშეკრულებას შორის გაავლო და განმარტა, რომ ამ შეთანხმებამ "საშიში ირანული ვეფხვი გაათავისუფლა".  

ისრაელის პრემიერმინისტრმა გამოსვლისას აუდიტორიას ჩამოგდებული დრონის ნაწილები აჩვენა და თქვა, რომ ირანმა მოიტყუა, როდესაც თქვა, რომ ისრაელის ტერიტორიაზე უპილოტო საფრენი აპარატი გაგზავნა.

გასულ კვირას ირანში განაცხადეს, რომ სირიის ტერიტორიიდან ირანის მიერ გაშვებული დრონი ჩამოაგდეს, რასაც ისრაელის ავიაციის იერიში მოჰყვა. საპასუხოდ, სირიელმა სამხედროებმა ისრაელის კუთვნილი გამანადგურებელი ჩამოაგდეს.

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.