საქართველოს პრეზიდენტი ილიას სახელმწიფო უნივერსიტეტის წიგნის სახლში „ლიგამუსი“ სტუდენტებს და მკვლევარებს შეხვდა, რომლებიც  პრეზიდენტის ფონდის დაფინანსებით ილიას სახელმწიფო უნივერსიტეტის სოციალური და კულტურის კვლევების ინსტიტუტის პროექტებში იღებდნენ მონაწილეობას.  
პრეზიდენტის პრესსამსახურის ინფორმაციით, შეხვედრას უძღვებოდა  უნივერსიტეტის რექტორი გიგა ზედანია, რომელმაც შეაჯამა პრეზიდენტის ფონდის მიერ დაფინანსებული პროექტი და მის ფარგლებში განხორციელებულ აქტივობებზე გაამახვილა ყურადღება.
„საქართველოს პრეზიდენტის ფონდი 2014 წლიდან ეხმარება ილიას სახელმწიფო უნივერსიტეტის სოციალურ და კულტურის კვლევების ინსტიტუტს.  ამ პროექტის ფარგლებში შესაძლებელი გახდა 2015 წლის ზამთრის სკოლის ჩატარება ქუთაისში, სადაც ქართველ სტუდენტებს ლექციებს უკითხავდნენ გერმანელი, ფრანგი და ჰოლანდიელი ფილოსოფოსები.
ამ პროექტით შესაძლებელი გახდა მიმდინარე სემესტრისთვის ორი საგანგებო კურსის მომზადება, რომელიც მთლიანად შედგება გერმანიიდან დასაფრანგეთიდან ჩამოსული სპეციალისტებისგან. ამავე პროგრამის ფარგლებში ითარგმნა სხვადასხვა ნაშრომები, ბიბლიოთეკა განახლდა  წიგნებით, მოეწყოსაზაფხულო და საზამთრო სკოლები“, – ნათქვამია განცხადებაში.
შეკრებილ საზოგადოებას სიტყვით მიმართა საქართველოს პრეზიდენტმა გიორგი მარგველაშვილმა, რომელმაც  ევროპული ღირებულებების მნიშვნელობაზე გაამახვილა ყურადღება.  
"როდესაც უცხოეთში საქართველოს შესახებ ვსაუბრობ, ჩემი ერთ-ერთი პოსტულატი არის ის, რომ ქართული ლიტერატურა თავისი არსით, თავისისულისკვეთებით და ღირებულებებით, ქართველი ადამიანი, როგორც ინდივიდი, ქართული ცხოვრების ყოველდღიურობა თავისი არსით არის ევროპული.ევროპული ღირებულებები ის ღირებულებებია, რომლის ირგვლივაც და რა სიბრტყეშიც ჩვენ ვარსებობთ. თუმცა, ჩვენი მიმდინარე სოციალურ-პოლიტიკურიამოცანა იმაში მდგომარეობს, რომ ეს ბუნებრივი ევროპულობა, რომელიც არის ინდივიდის სახით ჩვენს რეალობაში, გადატანილი იქნას სოციალურ-პოლიტიკურ სისტემებში. ამ ევროპულობის ფონზე და ევროპულობის ხარჯზე ჩვენ უნდა ავაგოთ ჩვენი ცხოვრების ევროპული პოლიტიკური თარგი. ესამოცანა რთულია, რადგან ჩვენ როგორც ინდივიდები დიდი ხნის განმავლობაში ვიზრდებოდით ევროპულ ღირებულებებზე, ამ ტიპის ლიტერატურასვკითხულობდით, ამ ტიპის ლიტერატურას და პოეზიას ვქმნიდით, მაგრამ არ გვქონდა შესაძლებობა იმისა, შეგვექმნა ჩვენი კულტურის და იდენტობისიდენტური სახელმწიფო, რადგან სხვა იმპერიების მიერ ვიყავით დაპყრობილი და საკუთარი სახელმწიფოს შემოქმედების თავისუფლება არ გვქონდა.შესაბამისად, დღეს როცა ვარსებობთ, როგორც დამოუკიდებელი სახელმწიფო, დგება არა უბრალოდ კალკირების, არამედ ქართული იდენტობის მსგვასი სახელმწიფოს შექმნის საჭიროება",– განაცხადა გიორგი მარგველაშვილმა სტუდენტებთან შეხვედრის

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ