თურქეთის სასამართლომ 2016 წლის სახელმწიფო გადატრიალების მცდელობის ბრალდებით სამხედრო სასწავლებლის 64 დაკავებულ პედაგოგსა და კურსანტს სამუდამო პატიმრობა მიუსაჯა, - ამის შესახებ Anadolu იუწყება.

მედია საშუალების ინფორმაციით, საქმეში ბრალდებული 100 პირი სასამართლომ გაამართლა.

მედიის ცნობით, 8 პედაგოგს და 156 კურსანტს ბრალი იმაში ედებოდა, რომ ისინი ანკარაში მდებარე თურქეთის შეიარაღებული გენშტაბის შენობასთან ვერტმფრენებით მივიდნენ და სახელმწიფო გადატრიალების მცდელობაში მონაწილეობა მიიღეს.

ცნობისთვის, სახელმწიფო გადატრიალების მცდელობისთვის სამუდამო პატიმრობა კიდევ 28 პირს აქვს მისჯილი.

შეგახსენებთ, რომ გასული წლის ივლისში თურქეთში სამხედრო გადატრიალების მცდელობა მოხდა, რის შედეგადაც 249 ადამიანი დაიღუპა, 2 200 კი მძიმედ დაშავდა. თურქეთის ხელისუფლება სამხედრო გადატრიალების ორგანიზებაში მუსლიმ მქადაგებელ ფეთჰულა გიულენს ადანაშაულებს. გიულენი ამერიკის შტატ პენსილვანიაში ცხოვრობს და თურქეთი მის ექსტრადირებას ითხოვს. შტატები ექსტრადირებაზე უარს აცხადებენ. რაც შეეხება გიულენს ის ბრალს არ აღიარებს. გარდა ამისა, გადატრიალების მცდელობის შემდეგ, ქვეყნის მასშტაბით დაიხურა ათობით სკოლა და უნივირსიტეტი, ასევე რამდენიმე მედია საშუალება. პრეზიდენტის რეჯეპ ტაიფ ერდოღანის განკარგულებით სამსახურიდან დაითხოვეს ათასობით ადამიანი, ამასთან 15 ათასამდე მასწავლებელი, 6 ათასამდე სამართალდამცველი და 100-მდე ჟურნალისტი დააპატიმრეს, გიულენთან კავშირის ბრალდებით. 

ავტორი: ,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს