„ჩვენ თუ სერიოზულად არ მივუდექით კრიმინალის პრობლემას, უკვე ყოველდღიურობად იქცა ჩაცხრილვის, დაყაჩაღების, გაძარცვის, სროლის, მკვლელობის შესახებ ცნობები“, - ამის შესახებ „ევროპული საქართველოს“ წევრმა, ოთო კახიძემ პარალმენტის საგაზაფხულო სესიის პირველ პლენარულ სხდომაზე განაცხადა.

კახიძეს შეფასებით, სახელმწიფომ ქვეყნის კრიმინოგენური ვითარება დაამძიმა.

”მთავარი ფუნქცია სახელმწიფოსი არის საზოგადოებრივი უსაფრთხოების უზრუნველყოფა. ამჟამინდელმა ხელისუფლებამ რამდენიმე ძალიან უპასუხისმგებლო ნაბიჯით მნიშვნელოვნად დაამძიმა კრიმინოგენური ვითარება ჩვენს ქვეყანაში. ვგულისხმობ ზედმეტად გაუაზრებელ და ზედმეტად ფართო ამნისტიას, პოლიტპატიმრების სტატუსით ისეთი პირების გათავისუფლებას და გმირებად შერაცხვას, რომლებიც არ იმსახურებდნენ ამას თავიანთი წარსულიდან გამომდინარე და რაც ყველაზე მნიშვნელოვანია,  იმ გარიგებასთან და ფლირტთან, რომელიც ქურდულ სამყაროსთან და კრიმინალურ ავტორიტეტებთან აღინიშნებოდა ამ წლების განმავლობაში. ჩვენ თუ სერიოზულად არ მივუდექით კრიმინალის პრობლემას, უკვე ყოველდღიურობად იქცა ჩაცხრილვის, დაყაჩაღების, გაძარცვის, სროლის, მკვლელობის შესახებ ცნობები. ეს ცნობები თუ ადრე იყო ეგზოტიკური იშვიათობა, ახლა უკვე ყური მიეჩვია და ეს არის ძალიან სახიფათო საკითხი”, - განაცხადა ოთო კახიძემ.

ცნობისთვის, პარლამენტში საგაზაფხულო სესიის პირველი პლენარული სხდომა მიმდინარეობს. დღევანდელ სხდომაზე კანონმდებლები პირველი და მეორე მოსმენით  ათზე მეტ კანონპროექტს განიხილავენ. მათ შორის, „საქართველოს კანონის პროექტებს „იურიდიული დახმარების შესახებ", „ადვოკატთა შესახებ", „სახელმწიფო პენსიის შესახებ", „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ", „საავტომობილო გზების შესახებ" კანონპროექტებში ცვლილებების შეტანის თაობაზე.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”