„აუდიტის დასკვნა ცალსახად ადასტურებს, რომ წლების განმავლობაში თავდაცვის სფეროში გამოყოფილი საბიუჯეტო სახსრების მნიშვნელოვანი ნაწილი, ქვეყნის თავდაცვისუნარიანობის გაზრდას არ ხმარდებოდა“, - ამის შესახებ „ევროპული საქართველოს“ წევრმა ირაკლი აბესაძემ პარლამენტის ნდობის ჯგუფის სხდომის დაწყებამდე განაცხადა, სადაც სასჯელაღსრულებისა და თავდაცვის სამინისტროებში ჩატარებული აუდიტის დასკვნას განიხილავენ.

როგორც სესიაშვილმა აღნიშნა, დასკვნა ცალსახად ადასტურებს, რომ თავდაცვის სფეროში „ქართული ოცნების“ პოლიტიკა მცდარი და ზოგიერთ შემთხვევაში მავნებლურია.

დეპუტატი მიიჩნევს, რომ საკითხის განხილვა გაფართოებულ ფორმატში უნდა მოხდეს, სადაც შესაბამისი მინისტრებიც იქნებიან მიწვეული.

„წარმოდგენილი აუდიტის დასკვნა ცალსახად ადასტურებს, რომ წლების განმავლობაში თავდაცვის სფეროში გამოყოფილი საბიუჯეტო სახსრების მნიშვნელოვანი ნაწილი, სამწუხაროდ არ ხმარდებოდა ქვეყნის თავდაცვისუნარიანობის გაზრდას. ეს გვაძლევს საშუალებას განვაცხადოთ, რომ ჩვენი წლების განმავლობაში გაკეთებული პოლიტიკური შეფასება, რომ „ქართული ოცნების“ პოლიტიკა თავდაცვის სფეროში არის მცდარი და ზოგიერთ შემთხვევაში მავნებლური. ამ შემთხვევაში ძალიან მნიშვნელოვნად მიგვაჩნია, რომ იმ პრობლემებზე და მათ შორის, დანაშაულებრივ საკითხებზე, რაზეც საუბარია აუდიტის დასკვნაში ნდობის ჯგუფზე უფრო მეტად გაფართოებულ ფორმატში, თუნდაც, კომიტეტის ფორმატში, დახურულ რეჟიმში, რადგანაც საუბარია, სახელმწიფო საიდუმლოებაზე, მოწვეულ იქნეს თავდაცვის მინისტრი და შესაბამისი მინისტრები და პასუხი გაეცეს, მართლაც, რამდენად გამოსწორდა ის დარღვევები, რაც არსებობდა“, - განაცხადა ირაკლი აბესაძემ.

ცნობისთვის, პარლამენტის ნდობის ჯგუფის სხდომაზე სასჯელაღსრულებისა და თავდაცვის სამინისტროებში ჩატარებული აუდიტის დასკვნას განიხილავენ. დოკუმენტი, რომელიც გრიფით საიდუმლოა, 2015-2016 წლებს მოიცავს. შეხვედრას გენერალური აუდიტორი ირაკლი მექვაბიშვილიც ესწრება.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”