საქართველოს პრემიერმა  გიორგი კვირიკაშვილმა მთავრობის დღევანდელ სხდომაზე შინაგან საქმეთა სამინისტროს ინიციატივით შემუშავებულ საკანონმდებლო ცვლილებათა პაკეტზე ისაუბრა, რომელიც ქურდული სამყაროს წევრობისა და კანონიერი ქურდობისთვის სასჯელის გამკაცრებას ითვალისწინებს.

ასევე დასჯადი ხდება კანონიერი ქურდისთვის მიმართვაც, რაც პრემიერის შეფასებით, ძალიან მნიშვნელოვანია.

„შსს-ში მიმდინარეობს ძირეული ცვლილებების პროცესი, გიორგი გახარიას ძალიან დიდი მხარდაჭერა აქვს ამ პროცესში, ეს ცვლილებები და სიახლეები ეხება ბევრ მიმართულებას, ეს არის კრიმინალური პოლიცია, საპატრულო პოლიცია, საზღვრის დაცვა, უბნის ინსპექტორების ინსტიტუტის გაძლიერება, ქვეითი პატრულის გაძლიერება და ა.შ. დარწმუნებული ვარ, ეს ნაბიჯები შედეგს აუცილებლად გამოიღებს ქვეყანაში უსაფრთხოების გაუმჯობესების კუთხით და ჩვენი მოქალაქეების დაცულობის კუთხით”,-განაცხადა გიორგი კვირიკაშვილმა.

კვირიკაშვილის შეფასებით, შსს  დღეს გახსნილი უწყებაა, რასაც მიესალმება. პრემიერის თქმით, მნიშვნელოვანია რომ შეიქმნა სპეციალური დეპარტამენტი ადამიანის უფლებების დაცვის კუთხით.

„მთლიანობაში მინდა, აღვნიშნო და დავარწმუნო ჩვენი მოსახლეობა, რომ საქართველოში ვეღარასოდეს მოიკიდებს ფეხს ქურდული მენტალიტეტი, ეს გამორიცხულია, და ამ მიმართულებით ჩვენ ვიქნებით თანმიმდევრული და დაუნდობელი ასევე, ვინაიდან ეს ეხება ჩვენი თანამოქალაქეების მშვიდ ცხოვრებას და ჩვენი ქვეყნის მომავლის შენებას”,-აღნიშნა გიორგი კვირიკაშვილმა.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”