პროკურატურამ შინაგან საქმეთა სამინისტროს ცალკეული თანამშრობლების მხრიდან გიორგი გიორგანაშვილის (ბახალა) მიმართ სამსახურეობრივი უფლებამოსილების შესაძლო გადამეტების ფაქტზე გამოძიება დაიწყო.

ამის შესახებ „ექსპრესნიუსს“ უწყების პრესსამსახურში განუცხადეს.

„ქ.თბილისის პროკურატურის საგამოძიებო ნაწილში დაიწყო გამოძიება საქართველოს შს სამინისტროს ცალკეული თანამშრომელთა მხრიდან, მოქალაქე გ. გ. - ს მიმართ სამსახურებრივი უფლებამოსილების ძალადობით შესაძლო გადამეტების ფაქტზე, დანაშაული გათვალისწინებული საქართველოს სსკ-ის 333-ე მუხლის მესამე ნაწილის “ბ” ქვეპუნქტით. გამოძიების დაწყებას საფუძვლად დაედო გ.გ.-ს საჯარო განცხადება, რომელშიც ის მიუთითებდა, რომ შს სამინისტროს ცალკეული თანამშრომლების მხრიდან მის მიმართ ადგილი ჰქონდა ფიზიკურ და სიტყვიერ შეურაცხყოფას. ამჟამად მიმდინარეობს საგამოძიებო მოქმედებები“, - ნათქვამია პროკურატურის განცხადებაში.

შეგახსენებთ, ნარკოტიკული ნივთიერების, ბუპრენორფინის შენახვის  ბრალდებით მსახიობი გიორგი გიორგანაშვილი იგივე “ბახალა” 2017 წლის  იანვარში  დააკავეს. იგი წინასწარი პატიმრობიდან 20 000 ლარიანი გირაოს სანაცვლოდ გათავისუფლდა. გიორგი გიორგანაშვილი ბრალს არ აღიარებს და ამბობს, რომ ნარკოტიკი ჩაუდეს.  ბრალის დამტკიცების შემთხვევაში მას 8 წლიდან 20 წლამდე, ან უვადო თავისუფლების აღკვეთა ემუქრება.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს