თბილისის საქალაქო სასამართლოში, ხორავას ქუჩაზე მოზარდების მკვლელობის საქმეზე არსებითი განხილვის პირველი სხდომა დასრულდა.

მხარეები სასამართლოს წინაშე შესავალი სიტყვით უნდა წარდგენილიყვნენ, თუმცა იქიდან გამომდინარე, რომ პროკურატურამ ახალი მტკიცებულებები წარადგინა,  მხარეებს შესავალი სიტყვა დღეს არ უთქვამთ.

სასაართლომ ბრალდების მხარის მიერ წარდგენილი ახალი მტკიცებულებების დასაშვებობის საკითხზე იმსჯელა და მიიჩნია, რომ ეს მტკიცებულებები საქმეს უნდა დაერთოს.

პროკურორი მტკიცებულებების შინაარსობრივ ნაწილს არ ახმაურებს. თუმცა ამბობს, რომ აღნიშნული მტკიცებულებებით სხვა მტკიცებულებებთან ერთად დასტურდება, რომ პატიმრობაში მყოფმა ორმა ბრალდებულმა დანაშაული ჩაიდინა.

ამასთან, პროკურორი ზვიად ფხაკაძე აღნიშნავს, რომ ახალი მტკიცებულებები ექსპერტიზის დასკვნებს წარმოადგენს, რომელთა დაკავშირებითაც ექსპერტები დაიკითხებიან. დღევანდელ პროცესზევე სასამართლომ გადასინჯა მოზარდების მკვლელობაში ბრალდებულებისთვის შეფარდებული აღკვეთის ღონისძიება - პატიმრობა და ის უცვლელაად ძალაში დატოვა.

არსებითი განხილვის შემდეგი სხდომა 25 იანვარს 16:30 საათზე ჩაინიშნა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს