აშშ პალესტინელი ლტოლვილების დახმარებას შეამცირებს

2018-01-17 17:00:51, 2646 ნახვა

მსოფლიო

ამერიკის შეერთებული შტატების პალესტინელი ლტოლვილების დახმარებას შეამცირებს.

კერძოდ, სახელმწიფო დეპარტამენტის ინფორმაციით, პალესტინელი ლტოლვილებისთვის განკუთვნილი გაერო-ს დახმარების სააგენტოს დაფინანსება 125 მილიონი დოლარიდან, 60 მილიონამდე შემცირდება.

ფინანსური დახმარება იყინება, თუმცა მისი სრული გაუქმება ჯერჯერობით გათვალისწინებული არ არის.

აშშ-ს სახელმწიფო დეპარტამენტის ოფიციალური წარმომადგენლის, ჰითერ ნაუერტის თქმით, გადაწყვეტილებას არაფერი აქვს საერთო პალესტინელების „დასჯასთან“ მათი უარის გამო ისრაელთან მოლაპარაკებებზე ან პალესტინელების მიერ გაერო-ში კენჭისყრის ჩატარებასთან, რასაც აშშ-ს მიერ იერუსალიმის ისრაელის დედაქალაქად აღიარების საერთაშორისო დაგმობა მოჰყვა.

„ეს ნაბიჯი არავის დასჯისკენ არ არის მიმართული“, - განაცხადა ნაუერტმა და იქვე დასძინა, რომ აშშ აღნიშნული სააგენტოს დასაფინანსებლად მხოლოდ 60 მილიონ დოლარს გამოყოფს.

გაერო-ს დახმარების სააგენტოს ორგანიზაციის წევრები ნებაყოფლობით აფინანსებენ. აშშ ფინანსური დახმარების პირველი დონორია, რომელმაც 2016 წელს სააგენტოს 368 მილიონი დოლარი გადაურიცხა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები