ამერიკის შეერთებული შტატების პრეზიდენტის ადმინისტრაციამ, აზერბაიჯანის ხელისუფლებას ჟურნალისტ აფგან მუხთარლის გათავისუფლებისკენ მოუწოდა.

„ამერიკის შეერთებული შტატები შეწუხებულია იმით, რომ 12 იანვარს აზერბაიჯანელ ჟურნალისტ აფგან მუხთარლის 6-წლიანი პატიმრობა მიესაჯა. გავრცელებული ინფორმაციის თანახმად, მუხთარლი საქართველოში 30 მაისს გაიტაცეს, აზერბაიჯანში ჩაიყვანეს და კონტრაბანდისთვის წაუყენეს ბრალი. ამ ბრალდებას ფართო წრეებში პოლიტიკურად მოტივირებულად მიიჩნევენ.

მოვუწოდებთ აზერბაიჯანის მთავრობას, გაათავისუფლონ ბატონი აფგან მუხთარლი.

ასევე, ყურადღებით ვაკვირდებით საქართველოში მიმდინარე გამოძიებას მუხთარლის გატაცების საქმეზე და ვიმედოვნებთ, რომ ის იქნება გამჭირვალე და დროული“, - აღნიშნულია აშშ-ის სახელმწიფო დეპარტამენტის განცხადებაში.

შეგახსენებთ, გუშინ სასამართლომ თბილისიდან გატაცებულ ჟურნალისტ აფგან მუხთარლის 6 წლით თავისუფლების აღკვეთა მიუსაჯა.

ავტორი: ,

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა