საპარლამენტო უმრავლესობის წევრი ვანო ზარდიაშვილი იუსტიციის უმაღლესი საბჭოს წევრად ანა დოლიძის დანიშვნას არ მიესალმება და ამბობს, რომ ეეჭვება, მან პოლიტიკა და მართლმსაჯულება ერთმანეთისგან გამიჯნოს:

„გულწრფელად ვისურვებდი, რომ ანა დოლიძემ გამიჯნოს პოლიტიკა და მართლმსაჯულება ერთმანეთისგან, მაგრამ ამაში ნამდვილად ეჭვი მეპარება ერთი მარტივი მიზეზის გამო-მას ვერ გაურჩევია, რომ სააკაშვილი თავის 9 წლიან მმართველობაში იყო ჭანჭიკი და მარგველაშვილი  თავის 5 წლიან მმართველობაში დევგმირია.მას რეალურად ასე ჰგონია. შესაბამისად, მე ძალიან პესიმისტურად ვარ განწყობილი იმასთან დაკავშირებით, რომ ის ამოვა მართლმსაჯულების  ინტერესიდან და მგონია, რომ იგი შეიტანს პოლიტიკას იუსტიციის უმაღლეს საბჭოში.ხუმრობით ვულოცავ იუსტიციის უმაღლეს საბჭოს, მათ პატარა ცირკები ელოდებათ. ვერასდროს წაიკითხა გიორგი მარგველაშვილის ადმინისტრაციამ კონსტიტუცია, ვერასდროს წაიკითხა პროკურატურის ბრალი და ვერასდროს წაიკითხა და ვერ განმარტა სწორად სასამართლოს გადაწყვეტილებები. შესაბამისად ანა დოლიძესთან მიმართებაში მე პირადად ძალიან პესიმისტურად ვარ განწყობილი“,-აღნიშნა ვანო ზარდიაშვილმა.

საქართველოს პრეზიდენტმა გიორგი მარგველაშვილმა, იუსტიციის უმაღლესი საბჭოს წევრად ანა დოლიძის დანიშვნასთან დაკავშირებით, განკარგულება გამოსცა.

როგორც მარგველაშვილმა დღეს დოლიძის წარდგენისას განაცხადა, დამოუკიდებელი საქართველოს ისტორიაში მართლმსაჯულების სისტემა რჩება „აქილევსის ქუსლად“ და პრობლემად გასდევს ფაქტობრივად ყველა ხელისუფლებას.

„2012 წლის ხელისუფლების ცვლილებისას ყველას ჰქონდა ის მოლოდინი, რომ მართლმსაჯულების სისტემა თვისობრივად გაუმჯობესდებოდა, თუმცა დღეს შეიძლება ითქვას, რომ საზოგადოებას ნდობა, ზოგადად მართლმსაჯულების მიმართ სამწუხაროდ ბევრ კითხვას ვერ პასუხობს. არადა, დამოუკიდებელი სასამართლო არის ერთერთი მთავარი ფუნდამენტი ჩვენი სახელმწიფოებრიობის.

ის არამარტო უზრუნველყოფს ჩვენი მოქალაქეების სამართლებრივ დაცულობას, არამედ დემოკრატიული და სამართლებრივი სახელმწიფოს ეფექტური ფუნქციონირების ერთერთი უმნიშვნელოვანესი გარანტია. იუსტიციის უმაღლესი საბჭო კი, ერთერთი იმ ორგანოთაგანია, რომელსაც თავისი მანდატით ევალება უზრუნველყოს მართლმსაჯულების სისტემის დამოუკიდებლობა და ეფექტური ფუნქციონირება", - განაცხადა გიორგი მარგველაშვილმა.

პრეზიდენტის განკარგულების თანახმად, ანა დოლიძე იუსტიციის უმაღლესი საბჭოს წევრის თანამდებობას 17 იანვრიდან, 4 წლის ვადით დაიკავებს. 

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს