იუსტიციის სახლს  გასული  1 წლის განმავლობაში „სრულიად უკმაყოფილო“ მომხმარებლი არ გააჩნია. ამის შესახებ  NDI-ს მიერ გამოქვეყნებულ კვლევაშია აღნიშნული. 

კვლევის თანახმად, ბოლო ერთი წლის განმავლობაში იუსტიციის სახლის მომსახურებებით გამოკითხულთა 24 % ისარგებლა.

კითხვაზე  კი „რამდენად კმაყოფილი ან უკმაყოფილო იყავით გაწეული მომსახურებით“, გამოკითხულ მომხმარებელთა 42-მა პროცენტმა უპასუხა, რომ იუსტიციის სახლის მომსახურებით „სრულიად კმაყოფილია“ , ხოლო 54 პროცენტი „კმაყოფილი“.

რაც შეეხება უკმაყოფილოთა რაოდენობას, მან მხოლოდ გამოკითხულ მომხმარებელთა 4 პროცენტი შეადგინა, ხოლო სრულიად უკმაყოფილოთა რაოდენობა ნულოვანი მაჩვენებლითაა აღნიშნული.  საერთო ჯამში კი, იუსტიციის სახლის მომსახურებასთან დაკავშირებით კმაყოფილება გამოკითხულთა 96%-მა დააფიქსირა.

აღსანიშნავია, რომ იუსტიციის სახლი ერთადერთია იმ  კვლევაში მოყვანილ უწყებებს შორის რომელმაც უკმაყოფილო მომხმარებლის ძალიან დაბალი, ხოლო სრულიად უკმაყოფილო მომხმარებლის ნულოვანი რაოდენობა აჩვენა.

იუსტიციის სახლი იუსტიციის სამინისტროს სერვისების  ახალი კონცეფციის მქონე საჯარო დაწესებულებაა,სადაც იუსტიციის სამინისტროს სამსახურების და სხვა უწყებების სერვისები სისტემურად არის თავმოყრილი.კომფორტული გარემო და  მაღალკვალიფიციური პერსონალი  მომხმარებლის  თავაზიან, სწრაფ და ხარისხიანმომსახურებას უზრუნველყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს