„ოპოზიცია მხარს არ დაუჭერს მის მიერვე ინიცირებულ ცვლილებებს, რაც მეტყველებს იმაზე, თუ რამდენად მაღალია ჩვენს პოლიტიკურ სპექტრში პოლიტიკური კულტურის ხარისხი",- ამის შესახებ საქართველოს პარლამენტის თავმჯდომარემ ჟურნალისტებს კონსტიტუციური კანონის პროექტის მეორე მოსმენით განხილვის შემდეგ განუცხადა.

ირაკლი კობახიძის თქმით, დოკუმენტი სწორედ ოპოზიციის მოთხოვნების შესაბამისად შემუშავდა, თუმცა, მის მიუხედავად, ოპოზიცია სხდომას არ ესწრება.

„ჩვენ დღეს მეორე მოსმენით ვიღებთ კონსტიტუციურ კანონპროექტს. ეს არის ის დოკუმენტი, რომელიც შემუშავდა სწორედ ოპოზიციის მოთხოვნების შესაბამისად. ჩვენ მივიღეთ უკვე ძალიან დახვეწილი დოკუმენტი კონსტიტუციის სახით, თუმცა იყო დამატებითი თხოვნები და მოთხოვნები ოპოზიციის მხრიდან, რაც გაიზიარა ვენეციის კომისიამ და ამის საფუძველზე გაგვიწია რეკომენდაცია, რომ დამატებით გარკვეული ცვლილებები აგვესახა კონსტიტუციაში. სწორედ ოპოზიციის თხოვნის შესაბამისად, ჩვენ შეგვაქვს ეს ცვლილებები კონსტიტუციაში, თუმცა ხედავთ, რომ დარბაზი მათ მხარეს არის ცარიელი, ოპოზიცია არ ესწრება სხდომას. ეს არის სამწუხარო რეალობა. მე მაქვს დიდი იმედი და დარწმუნებული ვარ, რომ იმ პროცესების გათვალისწინებით, რომელიც ვითარდება ჩვენს ქვეყანაში, ჩვენი პოლიტიკური სისტემა სულ უფრო დაიხვეწება და შვიდი წლის თავზე, როდესაც ჩვენ გადავალთ პროპორციულ სისტემაზე, გვექნება შედეგად პოლიტიკური სისტემის კონსოლიდაციის უფრო მაღალი ხარისხი და პოლიტიკური კულტურის განვითარების უფრო მაღალი დონე",- განაცხადა პარლამენტის თავმჯდომარემ.

ავტორი: ,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს