თბილისის სხვადასხვა რაიონში კეთილმოწყობის ღონისძიებებისთვის  35 მლნ ლარი, ქალაქის განვითარების ხელშეწყობისთვის კი - 66 მლნ ლარი დაიხარჯება, - ამის შესახებ თბილისის ვიცე-მერმა ირაკლი ხმალაძემ განაცხადა, რომელმაც საკრებულოს დეპუტატებს 2018 წლის ბიუჯეტით გათვალისწინებული პროექტები და პროგრამები გააცნო. 

როგორც ვიცე-მერმა აღნიშნა, დედაქალაქის ბიუჯეტის პროექტით ორბელიანისა და გუდიაშვილის მოედნებისა და მშრალი ხიდის რეაბილიტაციაა დაგეგმილი. 

„ასევე, მნიშვნელოვნად არის გაზრდილი გამწვანების ღონისძიებები, რომელიც 2017 წლის ბიუჯეტთან შედარებით, 6 მლნ ლარით მეტია. დასუფთავების ღონისძიებებისთვის გათვალისწინებულია 11 მლნ ლარი; ბაღების მშენებლობა-რეაბილიტაციისა და ეზოების კეთილმოწყობისთვის 20 მლნ ლარი გამოიყოფა, რომელიც 13 ახალი ბაღის მშენებლობის დასრულებას, ხოლო 10 ახალი საბავშვო ბაღის მშენებლობის დაწყებას მოიცავს“, - განაცხადა ირაკლი ხმალაძემ.

მისივე თქმით, სპორტული დაწესებულებების ტექნიკური ბაზის გაუმჯობესების მიმართულებით, გათვალისწინებულია 5 მლნ 888 ათასი ლარი, რომელიც ორი მულტიფუნქციური კომპლექსის მშენებლობასა და სამის პროექტირებას მოიცავს.

(NS)

ავტორი: ,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს