სააკაშვილმა უკრაინის გენპროკურორის წინააღმდეგ სასამართლოში სარჩელი შეიტანა

2017-12-06 19:59:52, 2455 ნახვა

მსოფლიო

საქართველოს მესამე პრეზიდენტმა მიხეილ სააკაშვილმა უკრაინის ანტიკორუფციულ ბიუროში ქვეყნის გენერალური პროკურორის იური ლუცენკოსა და უსაფრთხოების სამსახურის ხელმძღვანელის ვასილი გრიცაკის წინააღმდეგ სარჩელი შეიტანა, - ამის შესახებ Interfax იუწყება.

სარჩელის თანახმად, აღნიშნული პირები მიხეილ სააკაშვილის მხარდამჭერების წინააღმდეგ სხვადასხვა არაკანონიერ ქმედებებს ახორციელებენ. ამასთან, სააკაშვილი თვლის, რომ მაღალჩინოსნები სამსახურეობრივ უფლებამოსილებას ბოროტად იყენებენ, მათ შორის საქართველოს მოქალაქეების წინააღმდეგ.

სარჩელში წერია, რომ მაღალჩინოსნების წინააღმდეგ საქმე უკრაინის სისხლის სამართლის კოდექსის 364-ე მუხლით უნდა იყოს აღძრული, რაც სამსახურეობრივი უფლებამოსილების გადამეტებასა და ბოროტად გამოყენებას გულისხმობს.

სააკაშვილი გამოძიების დაწყებას ითხოვს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები