პროგრესი დემოკრატიის, ადამიანის უფლებების, მართლმსაჯულების სფეროში; მიგრაციის ეფექტიანი მართვა; ეროვნული კანონმდებლობის დაახლოება ევროკავშირის რეგულაციებთან; წარმატებული ანტიკორუფციული პოლიტიკა და სტაბილურად მაღალი პოზიციები საერთაშორისო რეიტინგებში - იუსტიციის სამინისტროს ინფორმაციით, ასე აფასებს ევროკომისია საქართველოს იუსტიციის სამინისტროს მიერ გაწეულ საქმიანობას ასოცირების შეთანხმების შესრულების მიმართულებით.

უწყებაში აღნიშნავენ, რომ  ანგარიში ადასტურებს ქვეყნის წარმატებას ინსტიტუციური დემოკრატიისა და ეფექტური სახელმწიფო ინსტიტუტების ფორმირების გზაზე.

„საქართველოს მიერ ასოცირების შეთანხმების შესრულების ანგარიშში, რომელიც ევროკომისიამ მოამზადა, დადებითადაა შეფასებული ის პროგრესი, რომელსაც ქვეყანამ, პრაქტიკულად, ყველა მიმართულებით მიაღწია; მათ შორის, ის რეფორმები, რომლებიც იუსტიციის სამინისტროს ხელმძღვანელობითა და კოორდინაციით ხორციელდება.

დოკუმენტში დადებითადაა შეფასებული პროგრესი დემოკრატიის, ადამიანის უფლებების, კარგი მმართველობის, მართლმსაჯულების, თავისუფლებისა და უსაფრთხოების სფეროში, ასევე, უვიზო მიმოსვლის დიალოგის ფარგლებში განხორციელებული ცვლილებები.

ანგარიშში აღნიშნულია ევროკავშირის სამართლებრივ რეგულაციებსა და სტანდარტებთან დაახლოების პროცესში წინსვლის შესახებ,  საუბარია საქართველოს თანამშრომლობაზე საერთაშორისო სისხლის სამართლის სასამართლოსთან.

ვენეციის კომისიის კვალდაკვალ, ევროკომისია მაღალ შეფასებას აძლევს  საკონსტიტუციო რეფორმას. ხაზგასმით არის გამოყოფილი ისეთი მიღწევები, როგორიცაა: მართლმსაჯულების რეფორმის მესამე ტალღის დასრულება; სტამბოლის კონვენციის რატიფიკაცია;არასრულწლოვანთა მართლმსაჯულების კოდექსის მიღება; პროკურატურის სტრატეგიის, ეთიკის კოდექსისა და შეფასების სისტემის შემოღება; მიგრაციის მართვის სფეროში განხორციელებული სიახლეები.

განსაკუთრებული ყურადღება ეთმობა კორუფციასთან ბრძოლის საქმეში საქართველოს წარმატებას და სტაბილურად მაღალ პოზიციებს საერთაშორისო რეიტინგებში; კმაყოფილებით არის აღნიშნული, რომ საჯარო მმართველობის რეფორმა ევროკავშირის პრინციპების შესაბამისად მიმდინარეობს“,-ნათქვამია იუსტიციის სამინისტროს მიერ გავრცელებულ ინფორმაციაში.

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს