პარტია „ქართული ოცნება - დემოკრატიული საქართველოს“ ბორჯომის მერობის კანდიდატმა ლევან ლიპარტიამ სოფელ ტაბაწყურის ამომრჩეველთან შეხვედრა გამართა. 

ადგილობრივებთან შეხვედრაზე, რომელსაც საქართველოს პარლამენტში ბორჯომის მაჟორიტარი დეპუტატი გედევან ფოფხაძე და ნინოწმინდის ოლქის მაჟორიტარი დეპუტატი ენზელ მკოიანიც ესწრებოდნენ, მომდევნო წლებში განსახორციელებელ ინფრასტრუქტურულ პროექტებსა და სოფლებში არსებული პრობლემების მოგვარების გზებზე იმსჯელეს. 

„წინასაარჩევნო კამპანიის ფარგლებში, ტაბაწყურში მცხოვრებ მოსახლეობასთან შეხვედრა გავმართეთ, სადაც სოფელში არსებულ პრობლემებსა და მათი მოგვარების გზებზე ვისაუბრეთ. დარწმუნებული ვარ, რომ გავიმარჯვებთ და შემდგომში საქმეს ყველანი ერთად შევუდგებით, რათა სოფლებში არსებული პრობლემები მოვაგვაროთ“, - განაცხადა ლევან ლიპარტიამ. 

ბორჯომის მაჟორიტარმა დეპუტატმა მერობის კანდიდატს ადგილობრივი თვითმმართველობის არჩევნების მეორე ტურში წარმატება უსურვა და მხარდაჭერა კიდევ ერთხელ გამოუცხადა.

„მოსახლეობასთან შეხვედრაზე სოფლებში არსებულ პრობლემებზე ვისაუბრეთ. ადგილობრივებისგან მხარდაჭერა მივიღეთ. ლევან ლიპარტია კი, მათ გამარჯვების შემთხვევაში, სოფელში არსებული პრობლემების მოგვარებაში დაეხმარება“, - აღნიშნა გედევან ფოფხაძემ. 

ადგილობრივი თვითმმართველობის არჩევნების მეორე ტური 12 ნოემბერს გაიმართება. 

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს