ირაკლი კობახიძე: შრომის უსაფრთხოების სტანდარტების გაუმჯობესების კუთხით ბევრი რამ გაკეთდება

2017-11-09 13:57:18, 1969 ნახვა

კომენტარი

„შრომითი უფლებების დაცვა საქართველოში არის ძალიან მნიშვნელოვანი პრიორიტეტი ჩვენი ქვეყნისთვის და კონკრეტულად, საქართველოს პარლამენტისთვის",- ამის შესახებ საქართველოს პარლამენტის თავმჯდომარემ ჟურნალისტებს კონფერენციის - „შრომითი უსაფრთხოება - ცვლილებების დღის წესრიგი" მისასალმებელი სიტყვით გახსნის შემდეგ განუცხადა.

ირაკლი კობახიძის თქმით, ქვეყანაში შრომითი უფლებების დასაცავად, ბევრი რამ არის გასაკეთებელი.

„განსაკუთრებული პრიორიტეტია შრომის უსაფრთხოების სტანდარტების გაუმჯობესება და ამ კუთხით ძალიან ბევრი რამ გაკეთდება. შესაბამისი ინიციატივები არის უკვე შეტანილი საქართველოს პარლამენტში და შესაბამისი კანონპროექტები იქნება მიღებული საკანონმდებლო ორგანოს მიერ უახლოეს მომავალში",- განაცხადა პარლამენტის თავმჯდომარემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები