ცენტრალური საარჩევნო კომისიის პირველადი მონაცემებით მეორე ტურები გაიმართება 6 მაჟორიტარულ ოლქში, თუმცა საბოლოო მონაცემები ცნობილი იქნება კანონით განსაზღვრული შესაბამისი პროცედურების დასრულების შემდეგ.

ეს მაჟორიტარული ოლქებია: #29 ყაზბეგის, #35 ხაშურის, #36 ბორჯომის, #60 ოზურგეთის, #59 ქუთაისის და #65 მარტვილის საარჩევნო ოლქები.  

კერძოდ, #29 ყაზბეგის  საარჩევნო ოლქში თვითმმართველი თემის მერობის  „ქართული ოცნების“ კანდიდატმა ალექსანდრე ზააგაშვილმა ხმათა 44,61% მიიღო, ხოლო მეორე ადგილზე ხმათა 26.88%-ით, დიმიტრი ლორთქიფანიძე-კახა კუკავა-დემოკრატიული მოძრაობის კანდიდატი სანდრო ყამარაული გავიდა.

#35 ხაშურის საარჩევნო ოლქში თვითმმართველი თემის მერობის  „ქართული ოცნების“ კანდიდატმა გიორგი გურასპაშვილმა 41.54% მოაგროვა, მეორე ადგილი 18.59%-ით დამოუკიდებელმა კანდიდატმა რამაზ ნოზაძემ დაიკავა.

#36 ბორჯომის საარჩევნო ოლქში თვითმმართველი თემის მერობის  „ქართული ოცნების“ კანდიდატმა ლევან ლიპარტიამ 40.54%  მიიღო, ხოლო „საქართველოს პატრიოტთა ალიანსის“ კანდიდატმა ზაზა ჩაჩანიძემ-40.23%.

#60 ოზურგეთის საარჩევნო ოლქში თვითმმართველი თემის მერობის „ქართული ოცნების“ კანდიდატმა ბეგლარ სიორიძემ  ხმათა 43.38% მოაგროვა, მეორე ადგილზეა დამოუკიდებელი კანდიდატი კონსტანტინე შარაშენიძე ხმათა 41.76%-ით.

#59 ქუთაისის საარჩევნო ოლქში თვითმმართველი ქალაქის მერის არჩევნებში „ქართულმა ოცნების“ კანდიდატმა გიორგი ჭიღვარიამ 48.61% დააგროვა, ხოლო „ნაციონალური მოძრაობის კანდიდატმა გრიგოლ ვაშაძემ-27.05%.

#65 მარტვილის საარჩევნო ოლქში თვითმმართველი თემის მერობის არჩევნებში „ქართული ოცნების“ კანდიდატმა ალექსანდრე გრიგალავამ 49.76% მიიღო, ხოლო მეორე ადგილზე ხმათა 35.81%-ით ნაციონალური მოძრაობის კანდიდატი მამუკა დანელია გავიდა.

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს