კობახიძე: „ქართულმა ოცნებამ“ დამაჯერებელი გამარჯვება მოიპოვა

2017-10-22 11:37:06, 2106 ნახვა

პოლიტიკა

„ქართულმა ოცნებამ“ დამაჯერებელი გამარჯვება მოიპოვა და შესაბამისი უმრავლესობით იქნება წარმოდგენილი თითოეულ მუნიციპალურ ორგანოში“,-ამის შესახებ პარლამენტის თავმჯდომარემ ირაკლი კობახიძემ პარტიაში გამართულ ბრიფინგზე განაცხადა.

კობახიძემ ამომრჩეველს განსაკუთრებული მადლობა გადაუხადა.

„განსაკუთრებული მადლობა უნდა გადავუხადო ამომრჩეველს ძალიან მაღალი აქტიურობისთვის. როგორც მოგეხსენებათ დაფიქსირდა მაღალი აქტივობა მთელი ქვეყნის მასშტაბით. მინდა აღვნიშნო, რომ „ქართულმა ოცნებამ“ მოიპოვა ძალიან დამაჯერებელი გამარჯვება ადგილობრივი თვითმმართველობის არჩევენბში.მთელი ქვეყნის მასშტაბით წინასწარი მონაცემებით, მეორე ტურები შედგება მხოლოდ ხუთ მუნიციპალიტეტში. საკრებულოებშიც „ქართულმა“ ოცნებამ მოიპოვა ძალიან დამაჯერებელი გამარჯვება და შესაბამისი უმრავლესობით იქნება წარმოდგენილი თითოეულ მუნიციპალურ წარმომადგენლობით ორგანოში“,-განაცხადა კობახიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები