ენერგეტიკისა და წყალმომარაგების მარეგულირებელმა ეროვნულმა კომისიამ "ვარკეთილი აირისთვის" შპს "ყაზტრანსგაზ თბილისის" განცხადების საფუძველზე ბუნებრივი გაზის მიწოდების შეწყვეტასთან დაკავშირებული საკითხის შესწავლა დაიწყო.

"მედიასაშუალებებით გავრცელდა შპს "ყაზტრანსგაზ თბილისის" განცხადება შპს "ვარკეთილ აირისათვის" ბუნებრივი გაზის მიწოდების შეწყვეტასთან დაკავშირებით. შპს "ყაზტრანსგაზ თბილისის" ინფორმაციით, მიწოდების შეწყვეტის მიზეზი შპს "ვარკეთილ აირის" მიერ არსებული დავალიანებაა. ენერგეტიკისა და წყალმომარაგების მარეგულირებელმა ეროვნულმა კომისიამ დაიწყო საკითხის დაუყოვნებლივი შესწავლა. გაიმართა სამუშაო შეხვედრა შპს "ყაზტრანსგაზ თბილისისა" და შპს "ვარკეთილ აირის" წარმომადგენლებთან. იმ შემთხვევაში, თუ მხარეთა შორის მოლაპარაკებების საფუძველზე არ მოხდება საკითხის დარეგულირება, კომისია უფლებამოსილია მომხმარებელთა კანონიერი უფლებების დაცვის უზრუნველყოფისათვის, ხვალვე ჩანიშნოს რიგგარეშე საჯარო სხდომა, სადაც საჯაროდ განიხილება აღნიშნული საკითხი და კომისია მიიღებს შესაბამის გადაწყვეტილებას. საქართველოს ენერგეტიკისა და წყალმომარაგების მარეგულირებელი ეროვნული კომისია გამოიყენებს ყველა სამართლებრივ შესაძლებლობას, რათა ბუნებრივი გაზის მიმწოდებელ კომპანიებს შორის სახელშეკრულებო ურთიერთობებიდან წარმოშობილი დავა არ გახდეს მომხმარებელთა უფლებების შეზღუდვისა და მათთვის ბუნებრივი გაზის მიწოდების შეწყვეტის მიზეზი", - ნათქვამია სემეკის გუშინდელ განცხადებაში.

შეგახსენებთ, შპს "ყაზტრანსგაზ-თბილისმა" შესაძლოა შპს "ვარკეთილ აირს" გაზმომარაგება შეუწყვიტოს. "ყაზტრანსგაზ-თბილისის“ ინფორმაციით, გაზგამანაწილებელ კომპანიას მათ მიმართ 1 64 ათასი ლარის დავალიანება წარმოექმნა, რომლის გადახდის ბოლო ვადა 20 აპრილს ამოიწურა. კომპანიას გაფრთხილება მიეცა, სადაც დავალიანების დაფარვის საბოლოო ვადად 28 აპრილის 15:00 საათი განისაზღვრა. "ყაზტრანსგაზ-თბილისში“ აცხადებენ, რომ ამ ვადის გასვლის შემდეგ, იძულებულნი იქნებიან, შპს „ვარკეთილ აირს“ გაზმომარაგება შეუწყვიტონ. წინააღმდეგ შემთხვევაში, მათი განცხადებით, მომწოდებელთან დროულ ანგარიშსწორებას ვერ შეძლებენ და დედაქალაქის უწყვეტი გაზმომარაგება საფრთხის წინაშე დადგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ