2017-09-19 10:46:08, 721 ნახვა
რეგიონი
ოკუპირებული ცხინვალის დე-ფაქტო ხელისუფლებამ ე.წ. გამშვები პუნქტები სამი დღით დაკეტა
ოკუპირებული ცხინვალის დე-ფაქტო მთავრობის გადაწყვეტილებით, ე.წ გამშვები პუნქტები 3 დღით დაიკეტა, - ამის შესახებ "სპუტნიკ ოსეტია" იუწყება.
მედია საშუალების ინფორმაციით, ე.წ. გამშვები პუნქტების დაკეტვა ოკუპირებულ რეგიონში დე-ფაქტო რესპუბლიკის დღის აღნიშვნასთანაა დაკავშირებული.
"მიმოსვლა 19 სექტემბრის დილით 09:00 სთ-ზე შეწყდა და 22 სექტემბრის დილის 07:00 სთ-ზე "ჩვეულ რეჟიმში" განახლდება", - ნათქვამია ინფორმაციაში.
ცნობისთვის, ოკუპირებული ცხინვალის დე-ფაქტო ხელისუფლება 20 სექტემბერს ე.წ. რესპუბლიკის 27-ე წლისთავს "აღნიშნავს". ოკუპირებული რეგიონში სამხედრო "აღლუმი" და სხვადასხვა სახის ღონისძიებები ჩატარდება.
![]()
ავტორი: ,
epn.ge (@expressnews.ge)
