საქართველოს იუსტიციის მინისტრი თეა წულუკიანი და გაერო-ს ლტოლვილთა უმაღლესი კომისარიატის რეგიონული წარმომადგენელი სამხრეთ კავკასიაში (სომხეთი, აზერბაიჯანი, საქართველო) სიმონე ვოლკენი,  ხვალ, 14:00 საათზე, იუსტიციის სახლში კამპანიას - „N მე მივეკუთვნები“ გახსნიან.

კამპანიის ფარგლებში, საქართველო გაერო-ს წევრ ქვეყნებთან ერთად ძალისხმევას არ დაიშურებს, რათა საბოლოოდ აღმოიფხვრას ის მდგომარეობა, როდესაც პირები არცერთ ქვეყანას არ მიეკუთვნებიან.
გაეროს ლტოლვილთა უმაღლესმა კომისარიატმა დაიწყო გლობალური კამპანია „N მე მივეკუთვნები“, რომელიც მიზნად ისახავს 10 წლის განმავლობაში მოქალაქეობის არქონის პრობლემის გადაჭრას. მოქალაქეობის არქონა ეს არის უკიდურესი სამართლებრივი ჩიხი მსოფლიოში მოქალაქეობისა და ადამიანის უფლებების დაცვის გარეშე დარჩენილი მილიონობით ადამიანისთვის. ამჟამად, მსოფლიოში მოქალაქეობის არმქონე, სულ მცირე, ათი მილიონი ადამიანია.

საქართველოს ხელისუფლება წლების განმავლობაში არის წარმატებული მაგალითი იმ ქვეყნების მთავრობებს შორის, რომლებიც მოქალაქეობის არქონის პრობლემასთან გამკლავებას სცდილობენ.

საქართველო გაეროს ყველა იმ კონვენციის მონაწილეა, რომელიც მიზნად ისახავს მოქალაქეობის არქონის შემცირებას. ადგილობრივი კანონმდებლობა შეესაბამება საერთაშორისო სტანდარტებს და კანონები მიღებულია მოქალაქეობის არმქონე პირთა სასარგებლოდ.  2015 წელს კი ქვეყანა მოქალაქეობის შესახებ ევროპის საბჭოს 1997 წლის კონვენციას მიუერთდება, რაც კიდევ ერთი წინ გადადგმული ნაბიჯი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა