ზუგდიდის რეფერალურ საავადმყოფოში წუხელ, ანაკლიიდან, GEM FEST-ის კიდევ 6 მონაწილე  შეიყვანეს.

როგორც „ექსპრესნიუსს“ საავადმყოფოს საზოგადოებასთან ურთიერთობის სამსახურში განუცხადეს, მათგან ოთხი ღამის განმავლობაში მართვით სუნთქვაზე იმყოფებოდა. დიაგნოზი კვლავ უცნობი ნივთიერებით ინტოქსიკაციაა

„6 პაციენტი შემოვიდა წუხელ. აქედან 4 მართვით სუნთქვაზე იქნა აყვანილი. ამ დილით მათი მდგომარეობა გაუმჯობესდა. ოთხივე პაციენტის ექსტუბაცია მოხდა და გადაყვანილი არიან პალატაში. ორი პაციენტი გაეწერა შემოყვანიდან რამდენიმე საათში ბინაზე“, - განაცხადეს პრესსამსახურში.

რაც შეეხება 4 აგვისტოს რეანიმაციაში მოთავსებულ მამაკაცს, რომლის მდგომარეობაც კრიტიკული იყო, პრესსამსახურის ცნობით, პაციენტი თავს უკეთ გრძნობს.

„მამაკაცი კარგად არის, ექსტუბირებულია ისიც, კონტაქტურია, საუბრობს. ჯერჯერობით, ვინაიდან ასეთი მძიმე მდგომარეობა იყო, მაინც რჩება ინტენსიურში და მალე გადავა პალატაში“, - აღნიშნეს პრესსამსახურში.

შეგახსენებთ, უცნობი ნივთიერებით ინტოქსიკაციის დიაგნოზით, გუშინ ზუგდიდის რეფერალურ საავადმყოფოში 22 წლის გოგონა გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს