პროკურორ ირაკლი მარშანიას ინფორმაციით, მერიის თანამშრომლის, ოთარ აბესაძის საქმეში დევს ვიდეო და აუდიო მასალა, სადაც ის მერიის სხვა თანამშრომლებსაც ახსენებს.

"2017 წლის პირველ ივლისს გამოძიება დაიწყო ოთარ აბესაძის წინააღმდეგ. იგი დაპირდა მოქალაქეებს, რომ თანამდებობის გამოყენებით დაეხმარებოდა სარემონტო სამუშაოების ჩატარებაში მტკვარზე. მოცემულ საქმეზე არსებობს ვიდეო, აუდიო ჩანაწერები. ოთარ აბესაძე მერიის თანამშრომლების სახელებს იყენებს. დასადგენია იმ პირთა წრე, ვისი დახმარებით გასცემდა აბესაძე დაპირებებს. შესაძლოა, დანაშაულში არის მასთან ერთად სხვა პირებიც, რაც დასადგენია. რაც შეეხება კვალიფიკაციის შეცვლას, დაკავებულია სამოხელეო დანაშაულის მიზნებისათვის პიროვნება, რომელიც ასრულებს საჯარო საქმეს. ოთარ აბესაძე დანიშნულია მერიის მიერ, იღებს 3400 ლარს, შესაბამისად, ის საჯარო სამსახურს ასრულებს", - განაცხადა ირაკლი მარშანიამ.

თბილისის საქალაქო სასამართლოში ოთარ აბესაძისათვის აღკვეთის ღონისძიების შეფარდებაზე სასამართლო ამ წუთებში მსჯელობს. ბრალდების მხარემ აღკვეთის ღონისძიებად პატიმრობა მოითხოვა, ხოლო დაცვის მხარე 15 ათასი ლარის ოდენობით გირაოს ითხოვს.

შეგახსენებთ, რომ საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე თბილისის მუნიციპალიტეტის მერიის თანამშრომელი - ოთარ აბესაძე 12 ივლისს დააკავეს.

გამოძიება ქრთამის აღების ფაქტზე , საქართველოს სსკ-ის 338-ე მუხლის პირველი ნაწილით გათვალისწინებული დანაშაულის ნიშნებით მიმდინარეობს, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.

აბესაძეს ბრალი ოფიციალურად გუშინ წარედგინა, თუმცა ის ბრალს არ აღიარებს და დუმილის უფლებას ინარჩუნებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”