ევროკომისიამ რუსულ ნავთობკომპანიას "გაზპრომს" ანტიმონოპოლიური კანონის დარღვევასთან დაკავშირებით ბრალდება ოფიციალურად წაუყენა.
კონკურენციის საკითხებში ევროკომისარის, მარგარეტ ვესტაგერის განცხადებით, "გაზპრომი" რეგიონში თავისუფალი კონკურენციის პირობებს არღვევს.
უწყებაში აცხადებენ, რომ რუსული ნავთობკომპანია აღმოსავლეთ ევროპის ქვეყნებს, მათ შორის პოლონეთს, უნგრეთსა და რეგიონის კიდევ ექვს ქვეყანას ბუნებრივი აირის ფასს უზრდის.
„აღმოვაჩინეთ, რომ "გაზპრომს" შესაძლოა, ხელოვნური ბარიერები შეექმნა გაზის მიწოდებისათვის ცენტრალური ევროპის ქვეყნების გავლით, რაც თავისუფალი კონკურენციისთვის შემაფერხებელ ფაქტორს წარმოადგენს“, - განაცხადა ევროკომისარმა.
მისივე თქმით, "გაზპრომის" ქმედებები ცენტრალურ და აღმოსავლეთ ევროპის ქვეყნებში დომინირებული მდგომარეობის ბოროტად გამოყენებაზე მიანიშნებს.
რუსულ ნავთობკომპანიას ბრალდებაზე პასუხის გასაცემად 12 კვირა აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს