2017-07-11 18:36:50, 1013 ნახვა
რეგიონი
ოკუპირებულ აფხაზეთში ტურისტი მოკლეს, რამდენიმე ბავშვი კი, მძევლად აიყვანეს
ოკუპირებულ აფხაზეთში, გუდაუთის რაიონში, ტურისტი მოკლეს, რამდენიმე ბავშვი კი, მძევლად აიყვანეს, - ამის შესახებ აფხაზური მედია Apsny Life სანდო წყაროზე დაყრდნობით იუწყება.
მედია საშუალების ინფორმაციით, ოჩანდარის მოსახვევში ტურისტებზე თავდასხმა მოხდა. ბოროტმოქმედებმა ბავშვები მძევლად აიყვანეს.
როგორც მედია წერს, ერთ-ერთმა ტურისტმა სცადა თავდამსხმელებისთვის წინააღმდეგობა გაეწია, რა დროსაც ის დაჭრეს. ტურისტი ადგილზე გარდაიცვალა.
მედიის ცნობით, ადგილზე საგამოძიებო მოქმედებები მიმდინარეობს და სხვა დეტალები ზუსტდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
