2017-07-11 12:22:38, 2592 ნახვა
მსოფლიო
მოსკოვის ერთ-ერთ სავაჭრო ცენტრში ხანძარი გაჩნდა - დაშავდა სულ მცირე 14 ადამიანი
მოსკოვში, დიმიტრიევსკის გზატკეცილზე მდებარე სავაჭრო ცენტრ „რიოში“ ხანძარი გაჩნდა, - ამის შესახებ BBC იუწყება.
მედია საშუალების ინფორმაციით, ხანძარს შესაძლო ხუთიდან, მე-4 რანგის სიმძლავრე მიენიჭა.
როგორც BBC წერს, შენობიდან ათასობით ადამიანის ევაკუაცია მოხდა. ინციდენტის შედეგად სულ მცირე 14 ადამიანი დაშავდა, მათ შორის ერთი ბავშვი. დაშავებულების ნაწილი საავადმყოფოში გადაიყვანეს, ნაწილს კი, სამედიცინო დახმარება ადგილზე აღმოუჩინეს.
ამ დროისთვის ხანძარი ლიკვიდირებულია, მისი გამომწვევი მიზეზი ჯერ უცნობია.
რუსულ მედიაში გავრცელებული ინფორმაციით, ხანძრის მიზეზი მოკლე ჩართვა იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
