2017-07-07 13:34:52, 2638 ნახვა
სამართალი
სასამართლომ მიხეილ თათარიშვილი გაამართლა (ვიდეო)
ნარკოდანაშაულის საქმეზე ბრალდებული მიხეილ თათარიშვილის მიმართ სასამართლომ გამამართლებელი განაჩენი გამოიტანა.
გადაწყვეტილება მოსამართლე გიორგი დარახველიძემ რამდენიმე წუთის წინ გამოაცხადა.
მისივე გადაწყვეტილებით, თათარიშვილს შეფარდებული გირაოც გაუუქმდება.
ცნობისთვის, თათარიშვილი, მოსამართლის გადაწყვეტილებით, სასამართლო დარბაზიდან გირაოს სანაცვლოდ 27 ივნისს გათავისუფლდა და აღკვეთის ღონისძიება პატიმრობა 10 000 ლარიანი გირაოთი შეეცვალა.
შეგახსენებთ, პრეზიდენტის შვილის ანა მარგველაშვილის მეგობარი მიხეილ თათარიშვილი ნარკოდანაშაულის ბრალდებით, 15 მარტს დააკავეს. მას გამოძიება დიდი ოდენობით ნარკოტიკული საშუალების უკანონო შეძენა-შენახვას ედავებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
