ფინანსურ საკითხებში რომის პაპის მრჩეველს და ავსტრალიაში კათოლიკური ეკლესიის წარმომადგენელს, კარდინალ ჯორჯ პელს სექსუალურ ძალადობაში დასდეს ბრალი, - ამის შესახებ Reuters იუწყება.

მედია საშუალების ინფორმაციით, ჯორჯ პელი ვატიკანის ყველაზე მაღალი რანგის წარმომადგენელია, რომელსაც სექსუალური ხასიათის ბრალდება აქვს წაყენებული.

ამასთან, ადგილობრივი საგამოძებო ორგანოები კონკრეტულ ფაქტებს და პიროვნებებს, რომლებზეც კარდინალი სავარაუდოდ ძალადობდა არ ასახელებენ.

სამართალდამცველების თქმით, კარდინალის წინააღმდეგ რამდენიმე საჩივარია დაწერილი. ავსტრალიის კათოლიკური ეკლესია აცხადებს, რომ ჯორჯ პელი თავის დანაშაულს არ აღიარებს და აპირებს "საკუთარი სახელი მსგავსი ბრალდებებისგან განწმინდოს".

მედიის ცნობით, კარდინალი ვალდებულია 18 ივლისს მელბურნის სასამართლოში წარსდგეს. მასთან ერთად სასამართლოს კარდინალის პირადი ექიმიც დაესწრება.

კარდინალი პელი ავსტრალიიდან ვატიკანში 2014 წელს გაიწვიეს და ფინანსური საკითხების მართვა ჩააბარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა