საქართველოს საგარეო საქმეთა სამინისტრო გამოხატავს შეშფოთებას 2015 წლის 19 აპრილს ტერორისტული დაჯგუფების „ისლამური სახელმწიფო ერაყსა და ლევანტში“ მიერ გავრცელებულ კადრებთან დაკავშირებით, რომლებიც სავარაუდოდ ასახავენ ლიბიაში ეთიოპიელი ქრისტიანების მკვლელობას და მიზნად ისახავენ შიშისა და ტერორის დანერგვას, ისევე როგორც რელიგიური შუღლის გაღვივებას.

"საქართველო მკაცრად გმობს ტერორიზმის ნებისმიერ გამოვლინებას, მათ შორის ჩადენილს ეთნიკური და რელიგიური მოტივით. მივიჩნევთ, რომ ზემოაღნიშნული ტერორისტული აქტი და „ISIL”-ის სხვა ქმედებები წარმოადგენს უდიდეს დანაშაულს  მთელი კაცობრიობის წინაშე. 

ქართული მხარე შეშფოთებას გამოხატავს უკანასკნელ პერიოდში მსოფლიოში ტერორისტული საფრთხის ზრდის გამო და იმედოვნებს, რომ საერთაშორისო საზოგადოება მეტად გააქტიურებს ძალისხმევას არსებული გამოწვევების დასაძლევად. მათ შორის, უმნიშვნელოვანესია დაჩქარდეს ლიბიის სახელმწიფოში მიმდინარე კონფლიქტის პოლიტიკური გადაჭრა, რათა ლიბიამ შეძლოს კონცენტრირება ტერორიზმის საფრთხეზე და მოახდინოს მის ტერიტორიაზე მოქმედი ტერორისტული დაჯგუფებების განეიტრალება.
საქართველოს საგარეო საქმეთა სამინისტრო უსამძიმრებს დაღუპულთა ოჯახებს და მათ მთავრობებს",-ნათქვამია საგარეო საქმეთა სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს