საქართველოს პრეზიდენტი გიორგი მარგველაშვილი მიიჩნევს, რომ მონარქიასთან დაკავშირებით გუშინდელი განხილვა, ერთდღიანი გაუგებარი პიარაქცია იყო, - ამის შესახებ პრეზიდენტის პრესსპიკერმა ეკა მიშველაძემ განაცხადა.

როგორც მიშველაძემ აღნიშნა, როდესაც საუბარია მმართველობის მოდელზე, მნიშვნელოვანია საზოგადოების აზრის გაგება.  

"რაც შეეხება ასეთ სერიოზულ თემებს, თუ ქვეყანაში როგორი საკონსტიტუციო მოდელი უნდა იყოს დამკვიდრებული, როდესაც ზოგადად საქმე მმართველობის საკონსტიტუციო მოდელს ეხება, ჯერ ხალხს და საზოგადოებას უნდა შევეკითხოთ და გარკვეულ ცვლილებებზე შემდეგ უნდა იყოს საუბარი", - განაცხადა მიშველაძემ. 

შეგახსენებთ, რომ საკვირაო ქადაგების დროს, საქართველოს კათოლიკოს პატრიარქმა, ილია მეორემ განაცხადა, რომ კონსტიტუციურ მონარქიას ქვეყანაში სიმშვიდე შემოაქვს. ამასთან, გუშინ პარლამენტის თავმჯდომარე ირაკლი კობახიძე და იურიდიულ საკითხთა კომიტეტის თავმჯდომარე ეკა ბესელია საქართველოს კათოლიკოს პატრიარქს ილია მეორეს შეხვდნენ და საკონსტიტუციო მონარქიის საკითხზე ისაუბრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა