„რესპუბლიკური პარტია“ და თავისუფალი დემოკრატები“ ადგილობრივი თვითმმართველობის არჩევნებზე ერთობლივი ძალისხმევით, ერთ ბლოკად იბრძოლებენ .

ამის შესახებ დღეს გამართულ პრესკონფერენციაზე „რესპუბლიკური პარტიისა“ და „თავისუფალი დემოკრატების“ ლიდერებმა განაცხადეს.

„თავისუფალი დემოკრატების“ ლიდერის შალვა შავგულიძის განმარტებით, ერთნაირი ხედვების და პარტნიორობის კარგი გამოცდილების გამო, ეს ორი პარტია ერთად უფრო დიდ ძალას წარმოადგენს, ვიდრე ცალ-ცალკე

„ჩვენ გაგვაჩნია ერთნაირი ღირებულებები, ამასთან თანამშრომლობის და პარტნიორობის მნიშვნელოვანი და საკმაოდ ხანგრძლივი გამოცდილება. „თავისუფალმა დემოკრატებმა“ და „რესპუბლიკელებმა“ გადავწყვიტეთ,  რომ ერთიანი საარჩევნო ბლოკის სახით წარვსდგეთ ამომრჩევლის წინაშე,“- განაცხადა შალვა შავგულიძემ.

ამასთან, „რესპუბლიკური პარტიის“ ლიდერის ხათუნა სამნიძის თქმით,  ორივე პარტია ერთი იდეოლოგიისაა. სამნიძე ამბობს, რომ  აქვთ მსგავსი ხედვა, თუ როგორი უნდა იყოს საქართველოს მომავალი და ამიტომაც გაერთიანდნენ ერთ ბლოკად.

„რესპუბლიკელებს და დემოკრატებს გვაქვს თანამშრომლობის ხანგრძლივი გამოცდილება. ჩვენ ვართ ერთი იდეოლოგიის პარტია და გვაქვს მსგავსი ხედვა, როგორი უნდა იყოს საქართველოს მომავალი. სწორედ ამიტომ, ჩვენმა მოლაპარაკებებმა შედეგი გამოიღო და ჩვენ გავერთიანდით ერთ ბლოკად “, –აცხადებს ხათუნა სამნიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს