ამერიკის შეერთებული შტატებში მოსამართლემ პრეზიდენტის განკარგულება მიგრანტების თავშესაფრად ქცეული ქალაქებისთვის, დაფინანსების შეწყვეტის თაობაზე, არაკონსტიტუციურად ცნო, - ამის შესახებ BBC იუწყება. 

მედია საშუალების ინფორმაციით, დონალდ ტრამპის მიერ იანვარში ხელმოწერილ განკარგულებაზე საჩივარი სან-ფრანცისკოსა და სანტა-კლარას მუნიციპალიტეტებმა შეიტანეს. ე.წ. ქალაქი თავშესაფრები შეერთებულ შტატებში პირველად 1970-იან წლებში გაჩნდა.

დღეისათვის კი მათი რიცხვი 300-ის აღემატება. 

ასეთი ქალაქების ადგილობრივი ხელისუფლების წარმომადგენლები ფედერალურ ხელისუფლებას მცხოვრებთა საიმიგრაციო სტატუსის შესახებ ინფორმაციას არ აწვდიან. 

ცნობისთვის, ეს დონალდ ტრამპის განკარგულების დაბლოკვის პირველი ფაქტი არ არის. 

შეგახსენებთ, რომ დონალდ ტრამპის გადაწყვეტილებით, შვიდი მუსლიმი ქვეყნის მოქალაქეებს ამერიკაში შესვლა 90 დღის განმავლობაში აეკრძალათ. ამ განკარგულებამ აეროპორტებში ქაოსი გამოიწვია, ვინაიდან ირანის, ერაყის, ლიბიის, სომალის, სუდანის, სირიისა და იემენის მოქალაქეებს ქვეყანაში შესვლის უფლებას არ აძლევდნენ. ამასთან, განკარგულების თანახმად, ამერიკის ტერიტორიაზე შესვლა სირიელ ლტოლვილებს გაურკვეველი ვადით აეკრძალათ. აღნიშნულ განკარგულებას, დონალდ ტრამპმა ხელი 28 იანვარს მოეწერა. აშშ-ის სახელმწიფო დეპარტამენტის ცნობით, პრეზიდენტის განკარგულების შემდეგ, ვიზა 60 000-მდე პირს გაუუქმდა. ტრამპის გადაწყვეტილებას მასობრივი საპროტესტო აქციები მოჰყვა. სან-ფრანცისკოს სააპელაციო სასამართლომ პრეზიდენტ დონალდ ტრამპის საიმიგრაციო ბრძანების აღდგენაზე უარი განაცხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა