2017-04-26 10:21:15, 2504 ნახვა
მსოფლიო
ბრიუსელის ტერაქტებთან კავშირის ბრალდებით 9 პირი დააკავეს
ბრიუსელში მომხდარ ტერაქტებთან კავშირის ბრალდებით ესპანეთში 9 პირი დააკავეს.
ინფორმაციას უცხოური მედია ავრცელებს. მათივე ცნობით, დაკავებულებიდან რვა მაროკოელი, ხოლო ერთი ესპანელია.
არსებული ინფორმაციით, დაკავებულთა უმრავლესობა წარსულში ნასამართლევია.
შეგახსენებთ, გასული წლის 22 მრტს ბრიუსელში ტერაქტების სერია განხორციელდა. აფეთქებები ქალაქის აეროპორტში და მეტრო სადგურში მოხდა.
შედეგად, 34 ადამიანი გარდაიცვალა, 250-ზე მეტი კი დაშავდა.
ტერაქტზე პასუხისმგებლობა "ისლამურმა სახელმწიფომ" აიღო. ISIS მოკავშირე საინფორმაციო სააგენტომ "ამაკი" დაჯგუფების განცხადება გაავრცელა, სადაც ნათქვამი იყო, რომ "ისლამური სახელმწიფო" ახალი ტერაქტების მოწყობით იმუქრებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
